Andrea Pirlo: “Birinchi bo'limda ko'proq gol ura olmaganimizdan afsusdaman”

Uchrashuvdan so'ng turinliklar ustozi Andrea Pirlo fikrlari bilan bo'lishdi.

“Bizda birinchi bo'lim yaxshi bo'ldi. Birinchi bo'limda ko'proq gol ura olmaganimizdan afsusdaman. O'yin so'ngiga borib, jismoniy tayyorgarligimiz past ekanligi ko'rindi. SHunga qaramay hujum va vaziyatni nazorat qilishda davom etdik. Jumladan, “Sampdoriya”ning qarshi hujumlarini ham nazoratda ushladik. Frabotta yaxshi o'yin o'tkazadi. Aleks Sandro jarohat olgan, men esa o'zini mashg'ulotlarda yaxshi namoyish qilgan U-23 jamoasidan futbolchi tanladim. Uni maydonga tushirayotganimda tavakkal qilyapman deb umuman o'ylamadim”, — deydi Pirlo.