"Andijon"ning yig'in rejalarida ham o'zgarishlar bo'ldi

“Andijon” jamoamizni Toshkentda yig'in o'tkazayotgani to'g'risida saytimiz orqali xabarlar berib boryapmiz. So'nggi kunlarda yurtimizda ob-havoni keskin sovib ketishi jamoamizni tayyorgarlik rejalarini o'zgartirib yubordi.

Malum qilganimizdek, kecha jamoamiz “Metallurg” bilan nazorat uchrashuvi o'tkazishi kerak edi. Ammo qor yoqqani bois bu o'yin o'tkazilmadi. Buning natijasida andijonliklar bugun Dilshod Nuraliev boshchiligidagi “Paxtakor-2” jamoasi bilan o'yin o'tkazishni kelishib olishgandi. Biroq Toshkentda qor tinmagani sababli bu o'yin ham amalga oshmadi.

Rejaga ko'ra jamoamiz ertaga “NBU-Osiyo” bilan kuch sinashib, poytaxtdagi yig'inning birinchi bosqichini yakunlashi kerak edi. Lekin ob-havoni sovib ketishi va qor yog'ayotgani tufayli “Andijon” jamoasi bugun dastlabki yig'inni yakunlashga majbur bo'ldi.
Futbolchilarga 3-4 kunlik dam berildi va endi jamoamiz 6 fevral kuni yana Toshkentda yig'inni davom ettiradi. Ushbu yig'in doirasida “Andijon” jamoasi ham PFL Kubogi turnirida ishtirok etadi.