"Andijon" o'z uyida "So'g'diyona"ga yutqazdi

Andijon (Andijon) – So'g'diyona (Jizzax) 1:2
Hakamlar: Z. Qodirov (Navoiy), B. Qodirov (Buxoro), A. Qo'ldoshev (Buxoro), I. Garmashov (Toshkent)
Nazoratchi: I. Nexochin (Namangan).
O'zPFL vakili: V. Lyotkin.
Gollar: Lochin Soliev 81 - Sardor Eminov 36, 54

Ogohlantirishlar: Vusol Magerramov, 45. Ibrohim Otaxonov, 76. Akmal Jo'raboev, 84. Rustam Azamov, 90.

ANDIJON: 32.Temur G'aniev, 2.Javlon Mirabdullaev, 3.Davron Tursunov, 6.Ibrohim Otaxonov, 8.Bahrom Abdurahimov, 10.Anvar Rajabov (14.Akmal Jo'raboev, 63), 17.Mirzakamol Kamolov (7.Bekzod G'oziev, 61), 18.SHahzod SHaymanov, 19.Alisher To'xtasinov, 23.Sergey Docenko, 28.Rasul Rahmonov (S) (9.Lochin Soliev, 46).
ZAXIRA: 1.Muhiddin Xudoyorov, 4.Rahim Qodirov, 22.Kamronbek Kapadze, 88.Alisher Azizov.

SO'G'DIYONA: 1.Aleksandr Melenchuk (S), 4.Elyor Oripov (21.Akmal Abdurahmonov, 46), 6.Ayubxon No'monov, 7.Rasul Hayitov (8.Botir Karimjonov, 90+1), 13.Rustam Azamov, 14.Orif Mamajonov (9.Sardor Qahhorov, 81), 18.Sardor Eminov, 19.Suhrob Qobilov, 20.Vusol Magerramov, 24.Asiljon Begimqulov, 25.Suhrob Berdiev.
ZAXIRA: 12.SHirinboy Abdullaev,  11.Nodir Ibrohimov, 17.Sanjar Rashidov,  23.Bobur Qosimov.


                                 MATNLI TRANSLYACIYA
                                           YANGILASH

Uchrashuv poyoniga etdi. Etiboringiz uchun tashakkur!

"Andijon" futbolchilari hisobni tenglashtirish uchun, mehmonlar esa g'alabani saqlab qolish maqsadida hujumkorlikni oshirmoqda.

86* Xavfli vaziyat! Akmal Abdurahmonovda gol urish uchun qulay imkoniyat bo'lgandi. Ikki raqibini ortda qoldirgan "So'g'diyona" hujumchisi to'pni biroz yuqoriga tepib yubordi!


81* GOOOOLLL. Lochin Soliev mehmonlar jarima maydoni ichida himoyachilar qurshovida bo'lishiga qaramay aniq zarba yo'llab hisobni qisqartirishga erishdi.

77* Akmal Jo'raboev o'ng qanotdan jarima maydoni ichida Magerramovni aldab o'tib darvozaga kuchli zarba yo'lladi. Melenchuk mahoratini namoyish etib, to'pni maydon tashqarisiga chiqarib yubordi!

Stadionga tashrif buyurgan muxlislarga tabiiyki mag'lubiyat yoqmayapti. SHu bois ular bosh murabbiy Azamat Abduraimovning istefoga chiqishini so'rashmoqda.


65* Bahrom Abdurahimov jarima zarbasini amalga oshirdi. Biroq undan maydon egalari unumli foydalana olishmadi.

Aftidan bugun "So'g'diyona" mavsumdagi ikkinchi g'alabasini tantana qiladigan ko'rinadi!

58* Suhrob Berdiev o'ng qanotdan raqibini aldab o'tib chammasi 25-30 metrlardan kuchli zarba yo'lladi. To'p darvoza to'sini ustidan o'tib ketdi.

Mehmonlar hujumkorlikni susaytirmayapti va qulay vaziyat tug'ildi deguncha oldinga intilmoqda.

54* GOOLL. Sardor Eminov chap qanotdan oldinga intilib darvozabon bilan birga-bir vaziyatga chiqib bordi va G'aniev qo'riqlayotgan darvozaning chap burchagini aniq nishonga oldi!

Ikkinchi bo'limda Davron Fayziev himoyachini o'rniga hujumchi tushirdi va bu orqali oldingi chiziqni kuchaytirdi.

47* Suhrob Berdiev hisobni ikkitaga oshirishi mumkin edi. Biroq bu vaziyatda "Andijon" futbolchilari gol bo'lishiga yo'l qo'ymadi.

Uchrashuv boshlandi.

Jamoalar tarkibida o'zgarishlar yuz berdi.

Jamoalar maydonga chiqib kelishmoqda. Ikkinchi taym boshlanish arafasida!

Birinchi bo'lim yakunlandi. Tanaffus!

45* Bosh hakam birinchi bo'lim to'xtalishlari uchun 3 daqiqa vaqt qo'shib berdi.

45* Anvar Rajabov jarima maydoni ichiga yorib kirayotganida Magerramov uni qo'pollik ishlatgan xolda to'xtatib qoldi. Jarima zarbasini To'xtasinov bajardi. Alisherning tepgan to'pini Melenchuk mahorat ko'rsatib maydon tashqarisiga chiqarib yubordi!

43*  "So'g'diyona" futbolchilari hujumkorlikni susaytirmagan xolda oldinga o'tib turibdi. Ayubxon No'monovning jarima maydoni ichida tepgan to'pi himoyachiga tegib maydon tashqarisiga chiqib ketdi.

 38* Alisher To'xtasinov o'ng qanotdan "So'g'diyona" darvozasi tomon kuchli zarba yo'lladi. Melenchuk zarbani mushtlari bilan urib qaytarishga erishdi.

36* GOOOOL. Sardor Eminov chap qanotdan jarima maydoni ichiga yorib kirdi va kutilmaganda G'aniev darvozasi tomon zarba yo'llab uchrashuvda hisobni ochishga erishdi!


O'yin teng kurashlar ostida kechmoqda. Jamoalar navbati bilan hujum uyushtirmoqda. Biroq samara yo'q!

 Andijonda yomg'ir yog'ishni boshladi. Muxlislar usti yopiq pana joylarga o'tishga oshiqmoqda!

Kamolovdan to'pni qabul qilib olgan Alisher To'xtasinov bir raqibini aldab o'tib raqib darvozasi sari zarba yo'lladi. To'p to'sin ustidan o'tib ketdi.

Uchrashuvda biroz to'xtalish yuz berdi. Jizzaxliklarning ikki o'yinchisi kutilmaganda to'qnashib ketdi va bunda Elyor Oripov jarohat oldi. SHifokorlar muolajalaridan so'ng himoyachi yana maydonga qaytdi.

14*. Xavfli vaziiyayat! Kamolov o'ng qanotdan oldinga yurish qildi va to'pni "So'g'diyona" jarima maydoni ichiga uzatdi. To'xtasinovning bosh bilan bergan zarbasi darvoza ustuni oldidan o'tib ketdi.

10* Alisher To'xtasinov o'ng tomondan burchak to'pini amalga oshirdi. Jarima maydoni ichida Docenko darvoza sari zarba yo'lladi. Lekin himoyachilar to'pni qaytargan xolda, xavfni bartaraf etishdi.

3* Anvar Rajabov chap qanotdan katta tezlikda oldinga tanlashdi. Biroq mehmonlar himoyachisi Magerramov to'pni maydon tashqarisiga chiqarib yubordi. 

"So'g'diyona" futbolchilari to'pni maydon markazidan o'yinga kiritgan xolda, uchrashuvni boshlab berdi.


Bosh hakam Zokir Qodirov uchrashuv boshlanganligi haqida xushtagini chaldi.

Jamoalar maydonga chiqib kelishmoqda.

Bugun xizmatingizda kamina Islombek Rustambekov bo'ladi.

Assalomu alaykum, qadrli futbol ishqibozlari. Bugun Andijonda turnir jadvalida yonma-yon o'rin olgan jamoalar bahsi bo'lib o'tmoqda.
 
Uchrashuv soat 18:00da boshlanadi.