Andijonning dastlabki yig'ini yakuniga etdi

Endilikda jamoa kelasi mavsumni birinchi ligada o'tkazadi. Bir yilning o'zidayoq yana elitaga qaytishni o'ylayotgan Andijon dekabr oyida qisqa muddatlik yig'in o'tkazdi. Ushbu yig'in chog'ida asosan mahalliy yigitlar ishtirok etganini etirof etish kerak. Boisi asosiy tarkib azolarining deyarli barchasi o'zlariga boshqa jamoa topishga qaror qilishmoqda. Faqatgina hozircha Ibrohim Otaxonov bilan Farhod Bekmurotov qolgan xolos. Ular bilan birgalikda asosan yoshlar jamoasida o'ynagan futbolchilardir. SHuningdek ortda qolgan mavsumni Obodda o'tkazgan andijonlik futbolchi Akbar Xodjaev ham jamoaga qaytib keldi va yig'inda ishtirok etdi.  Mashg'ulotlarga murabbiylardan Vitaliy Legay, Rasul Rahmonov va Qobiljon Olimjonov boshchilik qildi.

Dastlabki yig'in so'nggida murabbiylar UzTongXongKo (zavod jamoasi) bilan nazorat uchrashuvini  tashkil etib futbolchilarning imkoniyatini ko'zdan kechirib oldi. Bahsda 3:3 hisobi qayd etildi.

Andijon: Davron Jo'raqulov, Artur Mamatkazin, Dilmurod Mahmudov, SHoyad Mullajonov, Akbar Xodjaev, Ibrohim Otaxonov, Farhod Bekmurotov, Farruh Mirzaev, Jahongir Maqsudov, Alisher Abduvohidov, Avaz Olimjonov.
Zaxiradan tushganlar: Barakatillo Isroilov, Ahror O'ktamov, Abror Komilov, Baxtiyor Qosimov, Sirojiddin Ettiboev va bir nechta yoshlar.