Andijonning “AFA-SGS Shiringaz-2005” jamoasi Qozog'istondagi turnirda finalga chiqdi
29 mar 2019 11:13
Yangiliklar

Andijonning “AFA-SGS Shiringaz-2005” jamoasi Qozog'istondagi turnirda finalga chiqdi

Teglar : AFA-SGS Shiringaz-2005

Avval xabar berganimizdek, ayni damda Qozog'istonning Olma-Ota shahrida MDX davlatlari ishtirokida 13-14 yoshli bolalar o'rtasida xalqaro musobaqa bo'lib o'tmoqda.

Unda Andijon viloyati akademiyasining “AFA-SGS Shiringaz-2005” va “AFA-SGS Shiringaz-2006” jamoalari ishtirok etmoqda.

Kecha musobaqaning yarim final uchrashuvi bo'lib o'tdi. Unda 2005 yilda tavallud topgan andijonlik yoshlar Qirg'iziston poytaxti Bishkekning “Dordoy” jamoasiga qarshi to'qnash keldi. Xabaringiz bor, yaqinda Andijon viloyati akademiyasining katta murabbiyi Yazgeldi Kutdanov vafot etdi. SHu munosabat bilan “AFA-SGS Shiringaz-2005” - “Dordoy” uchrashuvi oldidan 1 daqiqalik sukut saqlandi. Qiziqarli va murosasiz kechgan yarim final bahsida andijonlik yoshlar 2:1 hisobida g'alaba qozondi. “AFA-SGS Shiringaz-2005” ning har ikki goliga ham O'ktambek Abdumalikov mualliflik qilganini aytish lozim. SHu tariqa SHoxruh Ishanov boshqvaruvidagi jamoa musobaqaning final yo'llanmasini qo'lga kiritdi.
Endi “AFA-SGS Shiringaz-2005” jamoasi finalda chempionlik uchun Sirdaryo viloyatining “Sirdaryo” jamoasiga qarshi bahs olib boradi.

Mazkur musobaqada qatnashayotggan Lochin Guldaev boshqaruvidagi “AFA-SGS Shiringaz-2006” jamoasi esa yarim finalda “Kayrat-akademiya” jamoasiga 2:1 hisobida imkoniyatni boy berib, turnirdagi ishtirokini yakunladi.