"Andijon"da yangi murabbiy ish boshladi

Uzoq yillar davomida jamoa sharafini munosib himoya qilgan sobiq futbolchi Rasul Rahmonov endilikda murabbiylar shtabida faoliyat olib boradi. 

2015 yilgi mavsumda turli sabablarga ko'ra, og'ir jaroxatlarni engib o'ta olmagan Rahmonov butsalarini mixga ilishga qaror qilgandi. 

SHundan so'ng Rahmonov murabbiylik sohasida o'zini sinab ko'rishga ahd qilib,  2016 yil avvaliga yoshlar jamoasida, keyinchalik asosiy jamoada yordamchi murabbiy sifatida ishladi. 2017 yilda birinchi ligada ishtirok etgan "Andijon"da yordamchi murabbiy sifatida faoliyat yuritdi. 2018-2020 yillar davomida viloyat ikkinchi ligasida ishtirok etuvchi "UzSemYUngKo" jamoasini mustaqil boshqardi. O'tgan mavsum "D" toifali murabbiylik licenziyasiga bo'lgan kurslarni muvaffaqiyatli o'tkazib, murabbiy sifatida etarlicha malakaga ega bo'ldi. 

SHu bois klub rahbariyati Rasul Rahimovichni futbolchi sifatida jamoaga bo'lgan sadoqatini, murabbiy sifatida esa intiluvchan va mexnatsevarligini inobatga olib "Andijon" jamoasiga taklif etdi.