"Andijon"da ikkita joy qoldi

Superliga reglamentining 13.3 bandiga ko'ra, Superliga klubi 35-45 nafar futbolchini mavsum qaydnomasiga kiritishi talab etiladi. Bunda, klub 22 nafargacha 2003 yil va undan oldin tavallud topgan futbolchini qaydnomaga kirita oladi. Mazkur limitdan tashqari yana 2 nafar darvozabonni 23 va 24-o'yinchi (2002 va undan oldin tug'ilgan) sifatida ro'yxatdan o'tkazishga ruxsat etiladi.

Ayni paytda "Andijon"da 22 nafar 2003 yil va undan oldin tug'ilgan futbolchi bor. Demak, "burgutlar"da yoshi katta futbolchilar uchun ikkita joy qoldi.

Bordiyu mavsum boshiga qadar yoshi katta futbolchi klubni tark etsa, uning o'rniga boshqa yoshi katta futbolchini qaydnomaga kiritishi mumkin bo'ladi. Quyidagi ro'yxatga tojikistonlik hujumchi Shahrom Samievni qo'shmadik, uning yana bir yillik shartnomasi bor. Lekin futbolchi klub bilan Turkiyaga bormadi. Undan tashqari hozir "Andijon"da 6 nafar xorijlik futbolchi bor (Igor Golban O'zbekiston fuqarosi). Legionerlar limiti tufayli "Andijon" Samievni baribir ro'yxatdan o'tkaza olmaydi. 

1.Eldor Adhamov
2.Rahimjon Davronov
3.Islom To'xtaxo'jaev
4.Igor Golban
5.Kristian Novak
6.Nemanya Chalasan
7.Abdurahmon Komilov
8.Ibrohim Yo'ldoshev
9.Abdulvohid G'ulomov
10.Odil Abdumajidov
11.Sardorbek Azimov
12.Imeda Ashortia
13.Jamshid Boltaboev
14.Damir Temirov
15.Usmonali Ismonaliev
16.Humoyunmirzo Iminov
17.Aleksandre Andronikashvili
18.Doniyor Abdumannopov
19.Muhammadkarim Toirov
20.Dragan Cheran
21.Martin Boake
22.Po'latxo'ja Xoldorxonov
23.
24.