So’nggi yangiliklar

07:56"Насаф" бразилиялик ярим ҳимоячига таклиф билан чиқди  0 07:28Расман. "Бунёдкор"ни яна бир асосий таркиб футболчиси тарк этди  2 01:15Расман: Азизбек Амонов "Бухоро" футболчисига айланди  5 01:04Равшан Ҳайдаров: "Йигитларда иштиёқ катта эди. Мухлислар қўллови билан ғалабага эришдик"  2 00:57Нодирбек Абдураззоқов: "Японияга қарши ўйинда ғалаба учун майдонга тушамиз. Голимни Ислом Тўхтахўжаевга бағишлайман"  3 00:45"Ювентус" Консейсауни "Порту"дан тўлиқ сотиб олди  0 00:17Рэшфорд "Барса" билан шартнома имзолади (Фабрицио Романо)  3 23:55"Андижон" назорат ўйинида камбэк эвазига ғалаба қозонди  2 23:24Ўзбекистон U-17 терма жамоаси ЦСКАга қарши баҳс олиб боради  2 22:59"Ливерпуль" тўхтамоқчи эмас. Клуб Франция чемпионатидан вингер сотиб олмоқчи  1 22:35U-23. Ўзбекистон – Саудия Арабистони 3:1  3 22:25Мираброр Усмонов Кубоги-2025. Ўзбекистон U-23 терма жамоаси Саудия Арабистонига ҳеч қандай имконият қолдирмади  26 21:41Мюллер фаолиятини МЛСда давом эттиради  3 20:59Родриго "Реал"да қолмоқчи. Футболчи Алонсонинг фикрини ўзгартириш ниятида  5 20:21"Кристал Пэлас" Европа Лигасида четлаштирилиши бўйича спорт арбитраж судига апелляция берди  0

Andijon yangi futbolchilarni tanishtiruv marosimini o'tkazdi Yangiliklar

Andijon yangi futbolchilarni tanishtiruv marosimini o'tkazdi

Teglar :  Andijon
Andijon klubi 10 mart kuni Bobur Arenada yangi mavsumdagi birinchi uchrashuvini o'tkazadi.

Toshkentning «Bunyodkor» jamoasiga qarshi bo'lib o'tadigan bahsni andijonliklar katta qiziqish bilan kutishmoqda.

Odatda har mavsum oldidan jamoa azolari bilan muxlislar o'rtasida o'ziga xos uchrashuv tashkil etiladi va buni yana bir nomi taqdimot marosimi deb ham ataladi. «Burgutlar» birinchi turni safarda OKMKga qarshi o'tkazgach, jamoa azolari o'z qarorgohida ikkinchi turga tayyorgarlikni boshlagandi. 10 mart sanasi yaqinlashgani sari futbol kayfiyati ham yanada ko'tarilib borayotganini muxlislar yaxshi his qilib turishibdi. SHu maqsadda 9 mart sanasida «Andijon qishloq xo'jaligi va agrotexnologiyalar» institutining anjumanlar zalida aynan taqdimot marosimi o'tkazildi.

Zal muxlislar bilan to'lib-toshdi. «Andijon» jamoasini sog'inishgani shundoq sezilib turardi. Jamoa azolarini katta shodiyona va xursandchilik bilan qarshi olishdi. Bu esa futbolchi va murabbiylarga o'zgacha kayfiyat bag'ishladi.

Andijon viloyati hokimi o'rinbosari Komiljon Sobirjonovich Komilov so'zga chiqib, viloyat hokimining jamoaga qarayotgan etibori va qo'llab-quvvatlovini alohida etirof etgan holda yangi mavsumda «Andijon»ga omad tiladi. Butun mavsum mobaynida futbolchilardan ijobiy natijalar kutishini, hamma vaqt muxlislarni xursand qilishlari muhimligi va o'z navbatida barcha shart-sharoitlar yaratilishini qo'shimcha qilib o'tdi.

SHundan so'ng «Andijon»ning yangi futbolchilari birma-bir tanishtirildi va ularga o'z raqamlari tushirilgan futbolkalar topshirildi.

Qolaversa, «Andijon» bosh murabbiyi Aleksandr Xomyakov ham tadbir davomida so'zga taklif qilindi. Tajribali mutaxassis avvalo, barchani yangi futbol mavsumi boshlangani bilan qutladi. Jamoa azolari masuliyatni chuqur his qilib turganligi, albatta, muxlislarni xursand qilish asosiy vazifa ekanligi, mavsumni muvaffaqiyatli o'tkazish uchun bor kuch va imkoniyatlarni ishga solishini alohida takidladi.

SHuningdek, «Andijon» klubi rahbariyatidan, jumladan jamoa bosh homiysi – «Uzavtosanoat» AJ vakili Rustam Abdurashidovich Mamajonov ham futbol ishqibozlarini yangi mavsum starti bilan tabriklar ekan, «Andijon»ning bir necha yillik istiqbolli dasturi haqida to'xtaldi. Klub akademiyasini tashkil qilish, bolalar futboliga etiborni kuchaytirish uchun amaliy ishlar boshlanganligi va buning uchun Belarusdan malakali mutaxassislar taklif qilinganini aytib o'tdi. Yaqin kelajakda «Andijon» tarbiyalanuvchilaridan Abbos Fayzullaev va yana shunga o'xshash boshqa bo'lajak futbolimiz yulduzlari etishib chiqishiga umid qilgan holda klubni har tomonlama rivojlantirish borasida ishlar qilinayotganini ham bildirib o'tdi. SHu bilan birga muxlislarni jamoamizni qo'llab-quvvatlashi juda ham muhimligini eslatib o'tdi va jamoamiz azolariga omad tiladi.

Bundan tashqari, «Andijon» fan-klub raisi Nodir To'ychiev muxlislik madaniyatiga alohida etibor qaratish muhimligini barchaga eslatib, har qanday holatda ham «Andijon» jamoasini faol tarzda qo'llab-quvvatlash lozimligini aytib, barchani stadionga chorladi.

«Andijon» klubi sardori Ildar Mamatkazin esa jamoa nomidan viloyat hokimi SHuhratbek Qo'shoqboevich Abdurahmonovga futbolchilarning imzosi qo'yilgan to'p va 10-raqamli futbolkani taqdim etdi va bu sovg'ani viloyat hokimi nomidan o'rinbosari qabul qilib oldi.

Bir so'z bilan aytganda, «Andijon» klubining 2024 yildagi o'z maydonida bo'lib o'tadigan ilk uchrashuvi oldidan o'tkazilgan taqdimot marosimi juda ko'tarinki kayfiyatda o'tdi va bundan futbolchilar ham, muxlislar ham o'ziga yarasha motivaciya oldilar.

«Andijon» matbuot xizmati.

Reyting: +5   

Fikrlar

championat.asia
< so’nggi yangiliklarni ko’rish
Яндекс.Метрика