"Andijon" o'rtoqlik uchrashuvida g'alaba qozondi

Ildar Sakaev boshqaruvidagi andijonliklar poytaxtdagi yig'in chog'ida navbatdagi o'rtoqlik o'yinida maydonga tushdi. "Burgutlar"ning bu safargi sparring-raqibi Toshkentning "Oq-Tepa" jamoasi bo'ldi. Qibray tumanidagi "Sport qarorgohi"ning tabiiy maydonida kechgan bahsda tajriba shijoatdan ustun kelib, yakunda "Andijon" 3:2 hisobida g'alaba qozondi. 

"Andijon" uchrashuvni quyidagi tarkib bilan o'tkazdi: Vitaliy Mirniy, Bobur Amonov, Bobur Akbarov, Ildar Mamatkazin, Abror Xusinov, Abdullox Olimov, Sardor Abduraimov, Farhod Bekmuratov, Abdurahmon Abdulxaqov, Sardor Sulaymonov, Ro'zimboy Ahmedov. 

Zaxiradan tushganlar: Xushnud Avilov, Ruslan Melzitdinov, Aleksich Radosav, Davron Isoqov, SHahboz Jumaboev.

"Burgutlar"ning gollariga Sardor Sulaymonov, SHahboz Jumaboev va Davron Isoqov mualliflik qildi. 

"Andijon"ning navbatdagi o'rtoqlik uchrashuvi 6 fevral kuni "Buxoro"ga qarshi kechadi. SHu kuni andijonliklarning poytaxtdagi yig'ini yakuniga etadi.