"Andijon" oliy ligada qoldi, endigi murabbiy Yuriy Sarkisyan!?

27-tur yakunlariga ko'ra ochkolar "Andijon"da 27, "Buxoro"da esa 17tani tashkil etyapti. Tabiiyki 3ta qolgan o'yinda 10 ochkolik farqni yo'qqa chiqarishning imkoni yo'q.

Joriy mavsum oliy ligani bitta jamoa tark etadi. 15 o'rin egasi birinchi liganing ikkinchi jamoasi bilan betaraf maydonda bahs olib boradi. Birinchi liganing dastlabki ikkita o'rinida, Toshkentning ikkita jamoasi joy egallaganlar. Bir mavsumda Toshkentdan hech qanaqasiga oliy ligada beshta jamoa ishtirok etmaydi. Oliy ligada 15 o'rinni kim olishidan qatiy nazar oliy ligada o'z o'rnini saqlab qoladi. 

Bunga birinchi va oliy liga o'rtasidagi farqdan tashqari, birinchi ligani oliy ligadan 20 kun avval nihoyasiga etishi ham katta sabab bo'ladi. Pley off uchrashuvi qachon va qaysi stadionda bo'lib o'tishi nomalum.

"Andijon"ni oliy ligada qolishiga eng katta ulushni Sergey Kovshov qo'shdi. Gess va Tyulkin tomonidan atayin qo'yilgan xatolarni bir ammallab tuzatishga muvaffaq bo'lgan murabbiy klubni kuchlilar orasida olib qoldi.

Biz olgan eng so'nggi malumotlarga ko'ra "Andijon"ni 2016 yilgi mavsumda Yuriy Sarkisyan boshqaradi va bu borada tomonlar og'zaki kelishuvga erishganlar.