"Andijon" bosh murabbiyi "Paxtakor"ga qarshi o'yin uchun rejani aytib berdi

"Har taraflama mag'lubiyatga uchradik. Birinchi bo'limda yomon o'ynamayotgan edik. Lekin ikkita gol o'tkazib yuborganimizdan keyin rejalarimiz buzilib ketdi. Havoda to'p uchun kurashlarda mag'lub bo'ldik. Uch nafar buydor himoyachilarimiz bilan ham havoda ustunlik qilolmadik. Raqib maydonni har bir qismida ustunlik qildi.

- "Andijon" jamoasida ishlash qiyinchilik tug'dirmayaptimi? Har holda "Mashal" qiziqarliroq edi.
- Afsuski hozircha g'alabalar kam. Qiyinchilik hamma joyda bor. Muammo har bir klubda bo'ladi. SHu bois sabr qilaman, ishlashda davom etamiz, kamchiliklarni bartaraf qilamiz va natija albatta bo'ladi.

- Bugungi o'yin uchun reja qanday edi?
- Jamoa tarkibidagi bor futbolchilar bilan o'ynaymiz. Hujumni kuchaytirishni istagandik, ammo uy qurishdan oldin poydevor qo'yiladi. SHu bois dastlab himoyani kuchaytirdik. Himoyadan tez hujumga o'tish ustida ko'p ishladik. "Navbahor" bilan o'yindan boshqa bahslarda buni uddalab kelayotgandik. "Paxtakor" bilan o'yinga rejamiz maydon markazida ko'proq futbolchiga bo'lish, qanotlarni raqibga berish edi. Bo'ydor uch himoyachi bilan o'ynadik, shuning evaziga havodagi ustunlikka erishmoqchi edik. Afsuski qanotlardan uzatilgan to'plarni himoyachilarimiz deyarli qaytara olishmadi, havodagi kurashlarni mezbonlar yutaverishdi. Ikkinchi taymda yana 4 himoyachi taktikasiga o'tdik, ammo raqib bo'sh zonalardan unumli foydalandi. Natija adolatli.