"Andijon akademiya SGS" jamoasi xorij yig'inida

SHoxruh Ishanov bosh murabbiyligidagi "Andijon akademiya SGS" jamoasi kuni-kecha xorijda yig'in o'tkazish maqsadida qo'shni Tojikiston davlatiga jo'nab ketdi.

- Mazkur yig'inni tashkil etishdan maqsad eng avvalo yosh futbolchilarimizning dunyo qarashini yanada ijobiy tomonga o'zgartirish. Qolaversa bo'lajak musobaqalarga puxta tayyorlanish hamdir. Tojikistonda 1-15 avgust kunlari kuniga ikki mahaldan mashg'ulot olib borish va bu yig'in mobaynida tabiiyki eng kamida uchta kuchli raqiblarga qarshi sinov-nazorat o'yinlarini tashkil etishni rejalashtirganmiz. Tojikistonning Xo'jand shahriga etib kelganmiz. Baxoriston sport qarorgohiga joylashdik. Barcha qulayliklarga ega. Ovqatlanish bo'yicha ham hozircha muammoga duch kelmadik. Qo'l ostimizdagi futbolchilar ham astoydil ter to'kmoqda. Xammaning kayfiyati yuqori.

Bu erga yordamchi murabbiylarim Lochin Guldaev, Nozim Mullaoxunov va Asilbek Azizov ham kelgan. Ular bilan birgalikda astoydil ishlab, shogirdlarimizning o'sishi uchun bor bilim maxoratimizni ishga solyapmiz - deydi "Andijon-Akademiya SGS" jamoasi bosh murabbiyi SHoxruh Maratovich.

Eslatib o'tamiz,  mazkur jamoa o'tgan yili Namangan shahrida o'tkazilgan akademiyalar o'rtasidagi Respublika chempionatida g'oliblikni qo'lga kiritish bilan birga ilk bor tashkil etilgan Superkubok sohibi ham sanaladi.