“Andijanka” BAAda yig'in o'tkazadi

Jamoa 6 yanvardan yangi mavsumga tayyorgarlikni boshlab yubordi. Mashg'ulotlar Andijon shahridagi “Do'stlik” stadionida kuniga ikki mahaldan olib borilmoqda.

Yuqorida aytib o'tganimizdek, klub rahbariyati bu yil “Andijanka” oldiga chempionlik vazifasini qo'ymoqda. SHunga monand sharoitlar ham yaratib borilayotir. Klub vice-prezidenti Maruf Abdusalomovning aytishicha, jamoa 28 yanvar kuni xorijda yig'in o'tkazish uchun safarga jo'nab ketadi. Bu borada BAA davlati tanlangan. O'zingizga yaxshi malumki, qish faslida BAA ko'plab klublarga tayyorgarlik uchun qulaydir. Yanvar va fevral oyida mamlakatimizning bir qator jamoalari ham aynan BAAda yig'in o'tkazib qaytadi. SHuningdek u erda sparring raqiblar topish ham birmuncha osondir. Tabiiyki “Andijanka”ning ushbu xorij yig'ini O'zbekiston ayollar futbolida o'ziga xos shov-shuvli natijadir. CHunki bunga qadar asosan Qarshining “Sevinch” jamoasi chet elda mashg'ulot o'tkazib qaytgan.

Darvoqe, “Andijanka” futbol klubi o'tgan mavsum “Joma” firmasining sport kiyimlaridan foydalangandi. Klub rahbariyati uzoq izlanishlardan so'ng mashxur brend “Nike” bilan hamkorlik qilishni lozim topdi va bu borada mazkur firma bilan kelishuvga erishdi. SHu bois joriy yil “Andijanka” ushbu firmaning epikirovlaridan foydalanadi.   

“Andijanka” FK matbuot xizmati.