Anchelotti: "Vinisius – dunyoning eng yaxshi futbolchisi"

Madrid klubi bosh murabbiyi ayni paytda Vinisius Juniorni dunyoning eng yaxshi futbolchisi, deb hisoblashini aytdi.

Kecha "Real" CHempionlar Ligasi nimchorak final javob o'yinida Angliyaning "Liverpul" klubi ustidan o'z uyida kichik 1:0 hisobida ustun keldi. Yagona to'p Vinisiusning uzatmasidan keyin Karim Benzema tomonidan kiritildi. Birinchi o'yinda ham braziliyalik futbolchi 2 ta gol urib, 1 ta golli uzatmani amalga oshirgan edi.

"Men uchun Vinisius dunyoda tengsiz. Bu o'yinda u gol urmadi, lekin juda yaxshi o'ynadi va assist qayd etdi", – dedi Karlo Anchelotti.

22 yoshli futbolchi ushbu mavsum barcha turnirlarda "qirollik klubi" uchun 40 ta o'yinda 19 ta gol urdi va sheriklarining 9 ta goliga hissa qo'shdi.