Anchelotti: "Nazoratni juda erta yo'qotdik"

"Bu natijadan juda ham xafamiz. Turnir jadvalida bir necha pog'ona ko'tarilishimiz uchun ajoyib imkoniyat bor edi, ammo o'tgan o'yinlardagi qo'pol xatolar yana takrorlandi. O'yinni juda yomon boshladik va birdaniga ikkita gol qabul qilib oldik. Keyinchalik o'yinga qaytishga harakat qildik, lekin bunga erisha olmadik.

O'yinga tanlangan taktika xato bo'lib chiqdi. Biz kombinacion o'yin namoyish qilmoqchi bo'lgandik, biroq barcha chiziqlarda balans buzulib ketdi. Ular himoyada juda yaxshi o'yin ko'rsatishdi, kurashlarda doimiy g'olib bo'lishdi.

Raqiblar darvozasi yonida yaxshiroq o'yin ko'rsatishimiz kerak edi. Futbolchilarim esa paslar va havolatib oshirilgan uzatmalarda juda ko'p xatolarga yo'l qo'yishdi. O'yin nazoratini ancha erta yo'qotib qo'ydik", - dedi Anchelotti.