Ancheloti: “Ikkita turda ettita gol o'tkazdik, sababi...”

“Raqib bizga bosim o'tkazishiga yo'l qo'yib berdik. Fabian Ruis birinchi bo'limda turinlik himoyachilar tomonidan juda yaxshi “qo'riqlandi” va biz unga to'pni etkazib bera olmadik. Qarshi hujumlarda gol urish imkoni bo'lsada, bu imkoniyatlardan foydalana olmadik.

Ronaldu va Iguain gol urgan vaziyatlarda himoyachilar o'z o'rinlarida edi. Uchinchi gol kiritilganida darvozamiz oldida 7-8 kishi bo'lib himoyalanayotgandik.

Tanaffusdan keyin Fabian Ruis faol harakat qila boshladi va raqiblariga qiyinchilik tug'dirdi. Himoya individual harakatlar evaziga qurilmaydi. Biz ikkita turda ettita gol o'tkazdik, sababi butun jamoa borini berib harakatlanmayapti.

Kulibali terma jamoasi safiga bormaydi, shu bois u ikki hafta mobaynida biz bilan shug'ullanib, kerakli “forma”ga kirib olishi mumkin”, deya Anchelottining so'zlaridan iqtibos keltirmoqda Sky Sport Italia.