So’nggi yangiliklar

00:48Виктор Гёкерешни яхшигина пулга сотган "Спортинг" 25 млн. еврога Луис Суаресни сотиб олди  1 00:27Равшан Эрматов: "Ўртоқлик ўйинлари ҳақида бир тўхтамга келганимиздан сўнг хабар берамиз"  5 00:10Уче Бриансео Нвадике: "Осиё кубоги саралаш босқичида нималарга қодир эканлигимизни кўрсатамиз"  0 23:44Мираброр Усмонов Кубоги-2025. Индивидуал совринлар кимларга насиб этди?  1 23:26Тимур Кападзе: "Аргентина ва Уругвай билан ўйин... Бу маълумот ҳақиқатга яқин"  18 23:00"Бавария" Риберининг учинчи ўринбосари учун 75 млн евро сарфлади. Бу сафар натижа қандай бўларкин?  3 22:53Тер Стеген ва "Барселона" ўртасидаги муносабатлар таранглашганми?  1 22:22"Нефтчи" уч нафар футболчи билан шартнома имзолади  2 22:10U-23. Ўзбекистон – Япония 0:2  4 21:55Мираброр Усмонов Кубоги-2025. Япония U-23 Ўзбекистонни мағлуб этди ва турнир ғолибига айланди  75 20:56ПСЖ Доннарумма борасида "Челси", "Галатасарой" ва бошқа клублар таклифларини кўриб чиқишга тайёр  4 19:57"Локомотив" Тожикистон жамоасидан енгилди  3 19:43"Эвертон" Кубога қизиқиб қолди  0 19:19Жака АПЛга қайтмоқда   1 18:39Гвардиола "Барселона"га қайтадими?  11

Amir Galenoi: "O'zbekistonda oltin avlod bor edi, ammo ular hozir "nafaqada" Yangiliklar

Amir Galenoi: "O'zbekistonda oltin avlod bor edi, ammo ular hozir "nafaqada"

CAFA NATIONS CUP finalida O'zbekiston termasi mag'lub etilganidan so'ng Eron termasi bosh murabbiyi Amir Galenoi o'z fikrlarini bildirib o'tdi.

O'yin haqida

Bosh murabbiy: - Avvalambor, o'z barchaga salomlarimni yo'llayman. Turnir tashkilotchilarga minnatdorchilik bildiraman. Stadionga kelib, bizni qo'llab-quvvatlab turgan hamyurtlarimizga rahmat aytaman. O'yin boshida ko'p holatlar yuz berdi, o'yinchilarimizning jarohat olishi biz uchun kutilmagan holat bo'ldi. O'yinning ikkinchi qismida ularning o'rniga boshqalarni tushirishga harakat qildik.  Vaziyatdan unumli foydalana oldik. Imkoniyatlar teng edi, O'zbekiston ham g'alabaga loyiq o'ynadi. O'zbekistonga ham tabrik yo'llayman, ular ham chiroyli o'yin namoyish etishdi. Kuni kecha aytganimdek, o'zbek futbolida rivojlanish kuzatilmoqda.

Sardor Azmun: - Yaxshi o'yin bo'ldi. O'yin yakunlangach, ikki jamoaning ehtiromi bizni xursand qildi. Bosh murabbiyimiz aytganidek, o'yin boshida biz uchun shok holati yuz berdi. Muhim o'yinchilarimiz jarohatga yo'liqdi. O'yinning ikkinchi qismida birlashib, yaxshi natija qayd etishning uddasidan chiqdik. O'z navbatida, O'zbekiston futbolchilariga minnatdorchilik bildiraman, ular ham yaxshi o'yin namoyish etdi.

Murabbiy: - Ikki o'yinchimiz jarohat olganida, darvozabondan tashqari, ikkinchi o'yinchimizni o'zgartirmoqchi edik. Ammo u o'yinni davom ettirishini aytdi. Bu bizni xursand qildi.

- O'zbekiston kelajakda Eron termasini yutishi uchun nima qilishi lozim?

- Bu haqda texnik murabbiylar javob bergani maqul. 2006 yildan beri o'zbek futbolini kuzatib boraman va etarlicha malumotga egaman. O'zbekistonga 10 marta tashrif buyurganman. Mamlakatda sport sohasidagi o'zgarishlarni alohida takidlash lozim. Menimcha, O'zbekiston rivojlanish yo'lini topdi. Avvallari shunga o'xshash stadion to'lmasdi. Mamlakat rivojlanishi uchun to'rt narsa muhim ahamiyatga ega:  xavfsizlik, iqtisod, rejalashtirish, infrastruktura. Bu erda hozir barchasi bor. Ikki mamlakat o'rtasidagi o'xshashliklari, inson resurslari alohida o'rin tutadi. O'zbekiston infrastrukturasini amalda ko'rdik. O'zbek futbolini kuzatib boraman. Yoshlar jamoangiz yaxshi natijalarga erishmoqda. O'zbekistonda bir vaqtlar oltinga teng avlod bor edi, biroq ular allaqachon butsalarini mixga ilishgan. Hozirgi avlod ularning o'rnini munosib egallaydi, deb o'ylayman. Futbol shunday narsaki, natijaga darhol erishilmaydi. Bunga vaqt kerak.

- Futbolchilar o'rtasida kelishmovchiliklar ko'p bo'ldi. Bunga asosiy sabab nimada?

Sardor Azmun :- Futbolchi sifatida bunga normal qarayman. Bu oddiy holat. O'yin tugagandan keyin munosabatlar buni tasdiqlaydi.

Murabbiy: - Biz kecha kechki ovqatdan keyin ko'chalarni biroz aylandik. Mehmonxonadan 500 metr yurganimizda bir hodisa yuz berdi. O'zbek millatiga mansub ikkki kishi kelib, bir rasm ko'rsatdi. Bir rasm ko'rsatib, bu sizmisiz dedi. Men bilan birga suratga tushishdi. Sizning familiyangiz qiyinroq talaffuz qilinarkan dedi. So'zim oxirida barchaga yana bir bor minnatdorchilik bildiraman.

Reyting: +13   

Fikrlar

championat.asia
< so’nggi yangiliklarni ko’rish
Яндекс.Метрика