Alisher Usmonovning jiyani APL klubi direktorlar kengashidan o'rin oldi

O'zbekistonlik 26 yoshli ishbilarmon "Everton" klubi direktorlar kengashida klub xo'jayini eronlik Farhod Moshirining vakili sifatida ishtirok etish bilan birga, klubning Alisher Usmonovga tegishli USM Holdings kompaniyasi bilan aloqalarini mustahkamlash bilan shug'ullanadi. 

"Everton" klubi direktorlar kengashiga azo bo'lish – men uchun katta faxr. Bu katta masuliyat ekanligini tushunib turibman. Direktorlar kengashi va klub rahbariyatiga menga bildirilgan ishonch uchun minnatdorchilik bildirib qolaman.

Bu klubni juda yaxshi ko'raman. Jamoa ravnaqi uchun yangi g'oyalarim bilan ishtirok etib, bor kuch va imkoniyatlarimni ishga solishga tayyorman. Biz yangi erani boshlayapmiz va faqat oldinga qarab katta ishonch bilan harakat qilishda davom etamiz», - deydi Ismoilov.

Eslatib o'tamiz, Sarvar Ismoilov 2019 yildan buyon "Everton" klubining ayollar jamoasi sport va tijoriy direktori lavozimida faoliyat yuritib kelayotgandi.

Malumot uchun, "Everton" bosh murabbiyi Karlo Anchelotti jamoani tark etib, "Real" bosh murabbiyiga aylangach, uning o'rnini Rafael Benites egalladi.