Alisher Mahmudov: "Mashal" bilan shartnoma tuzmagandim"

Kecha esa uni muborakliklar bilan shartnoma imzolaganligi haqida xabar berildi. Aslini olganda esa bu kabi malumotlar hech qanday asosga ega emas. Mahmudov chindanam jamoasini almashtirish borasidaga masalani ko'rib chiqqandi. Lekin, yakunda "Navbahor"da qolishga qaror qilgandi.

Futbolchini o'zi ro'y bergan voqealarga quyidagicha izoh berdi: - O'tgan haftada Muborakning “Mashal” jamoasi bilan og'zaki kelishuvga erishgandik. SHundan kelib chiqqan holda muborakliklar safiga qo'shilishga chog'langandim. Lekin, muxlislarni jamoadan ketishimga munosabati va klub rahbariyati bilan olib borilgan muzokaralardan keyin “Navbahor”da qolishga qaror qildim. SHu sababdan saytlarda Mahmudov “Mashal” bilan shartnoma tuzdi va muborakliklar mashg'ulotida qatnashdi degan gap-so'zlarda hech qanday asos yo'q. Fursatdan foydalanib, “Navbahor”da qolishimni yoqlab chiqqan jamoamiz muxlislariga ham minnatdorchilik bildirib o'tishni istardim. Yangi mavsumda ishqibozlarimiz va murabbiylar ishonchini oqlash uchun bor kuch va mahoratimni ishga solishga vada beraman.