Alisher Azizov: “Qirg'izistondagi klublar o'zbek futbolchilariga qiziqib qolishgan”

Ushbu o'yinda yana golga “Dordo” klubi safida harakat qilayotgan hamyurtimiz Alisher Azizov mualliflik qildi. Ushbu bahsdan so'ng Alisher Azizov o'z fikrlarini bildirdi.

“OFK saralash uchrashuvida Tojikistonning “Hosilot” klubiga qarshi dastlabki bahsni olib bordik. To'g'risini aytsam ushbu uchrashuv loy jangi bo'ldi, deyishim mumkin. CHunki o'yindan oldin qor yog'ib keyin erigandan so'ng stadion holati achinarli axvolga kelib qolgandi. SHunday bo'lsada ikkala jamoa ham bir xil sharoitda maydonda harakat qildi. Bizda golga tortadigan imkoniyatlar bo'ldi, shulardan faqat bittasidan foydalanib qoldik. Endi bizni safardagi javob uchrashuv kutib turibdi. O'sha o'yinda ham g'alaba qozonishimiz kerak. Ko'pchilik biladi hujumchi gol ursa o'ziga bo'lgan ishonchi oshadi. Eng muximi asosiy tarkibda tushsangiz bo'lgani. Zaxiradan 10-15 daqiqaga maydonga tushsangiz gol urish uchun imkoniyatingiz kam bo'ladi, tashqaridan qaraganda yomon ko'rinasiz. Bu erda menga katta ishonch bildirishmoqda. Baribir o'zingiz masuliyatni xis qilasiz. Agarda boshqa davlat klubida O'zbekiston nomidan to'p tepsangiz O'zbekiston zo'r ekan deyishadi. Agarda ishonchni oqlay olmasangiz futbolchining saviyasi past ekan deyishadi. SHuning uchun ham hozir Qirg'izistondagi barcha klublar o'zbekistonlik futbolchilarga qiziqib qolgan. “Terma safida o'ynamagan futbolchi shunchalik saviyali bo'lsa, demak O'zbekistondagi futbolchilar zo'r ekanda” deyishmoqda. Bu tarafdan O'zbekiston futbolining obro'si oshmoqda”, - deydi “Dordoy” klubi futbolchisi Alisher Azizov.

Jahongir Sotvoldiev