Alisher Azizov: “Oliy ligada qolishimiz uchun ko'proq g'alaba qozonishimiz kerak”

Ushbu g'alabadan so'ng “Obod” klubi futbolchisi Alisher Azizov o'z fikrlari bilan o'rtoqlashdi.

“Mashg'ulotlarni ikki mahaldan o'tkazyapmiz. Ertalab jismoniy mashqlar bo'lsa kechgi payt to'plar bilan ishlayapmiz. Ikki kunda bir o'rtoqlik o'yinini o'tkazdik. Tayyorgarlik alo darajada. Mashg'ulotlarda ko'proq jarima zarbalarini qanday amalga oshirishni takomillashtiryapmiz. Oliy lagada qolishimiz uchun ko'proq gol urishimiz va g'alaba qozonishimiz kerak. Mashg'ulotlarda shuni ustida ishlayapmiz.

“Qo'qon-1912” jamoasi bilan ajoyib o'yin o'tkazdik. Uchrashuv juda ham qiyin bo'ldi. O'z darvozamizdan gol o'tkazib yuborganimizdan so'ng o'zimizga kelib oldik va g'alaba qozondik. “Qo'qon-1912” jamoasi ham yaxshigini o'ziga kelib olgan. “Qo'qon-1912” jamoasiga qarshi o'yin “Bunyodkor”ga qarshi tayyorgarlik vazifasini o'tab berdi desa ham bo'ladi. Qo'qon klubiga qarshi bahs jamoadoshlarimning o'yinini shakllantirishga yordam berdi.

Yangi kelgan futbolchilar biz bilan ancha chiqishib ketishdi. Ayrimlari bilan bir jamoada to'p tepganmiz. U tomondan muammolar yo'q. Jismoniy tayyorgarligimiz ham ancha yaxshi, hozir mavsumning ham eng zo'r payti. Jamoamiz deyarli tayyor. Hozir har bir chiziqda ikkita dan futbolchilar bor. Bu jamoamizning o'sishiga yordam beradi. Men jarohatlarimda forig' bo'ldim, endi bemalol asosiy tarkib uchun kurasha olaman.

Faqat o'z o'yinimni ko'rsatishim kerak. CHempionatimizning 21-turida “Bunyodkor”ga qarshi asosiy tarkibda maydonga tushishim mumkin. Lekin, baribir bu masalada murabbiylar so'nggi qarorni qabul qilishadi”, - deydi “Obod” klubi futbolchisi Alisher Azizov.  

Jahongir Sotvoldiev suhbatlashdi.