Aleksis Sanches Xavining asosiy transfer maqsadi emas
16 dek 2021 21:53
Yangiliklar

Aleksis Sanches Xavining asosiy transfer maqsadi emas

Teglar : Serxio Aguero La Liga "Barselona"Xavi

"Barselona" bosh murabbiyi Xavi hujumchi Aguero butsasini mixga ilganidan so'ng markaziy hujumchi izlamoqda.

Argentina terma jamoasi sobiq yulduzi va "Manchester Siti" afsonasi Serxio Aguero yuragi bilan bog'liq muammolar tufayli o'zining professional faoliyatini rasman yakunladi, bu esa "Barselona"ga yana bir yangi muammo – markaziy hujum chizig'idagi bo'shliqni taqdim etdi.

Xabarlarga ko'ra, "Kamp Nou"ga kelishi mumkin bo'lgan davogarlardan biri "Inter" hujumchisi Aleksis Sanchesdir, ammo chililik "Barsa" bosh murabbiyi Xavi uchun ustuvor variant emas.

Ispaniyalik mutaxassis o'z jamoasida boshqa o'yinchilarni, jumladan, "Manchester Siti" azosi Ferran Torresni va "Manchester Yunayted"da kam o'ynayotgan Edinson Kavanini ko'rishni afzal ko'radi.

"Barselona"ga yangi kelishi mumkin bo'lgan futbolchilar orasida "CHelsi" hujumchisi Timo Verner ham bor.

Havola :

Manba : Marca

Yangiliklarni Telegramda o'qing!

Reyting: +2