Aleksandr Xomyakov: "Tezkor gollar g'alabamizni taminladi"

"Avvalo muxlislarimizni tabriklayman. Tezkor gol urib oldik. Lekin umuman olganda o'yin shiddatli kechdi. O'yin so'nggida esa raqib ustunlikka ega bo'ldi. Yigitlar bugun g'alabani juda ham istashdi. Barchani tabriklayman", - deydi Xomyakov.

- Tarkibga kelgan yangilar haqida fikrlaringiz...
- Umuman olganda futbolchilarning bari maydonda bor kuchi bilan o'ynadi. Bukatkin ham, Ivanov ham bugun yaxshi saviyada o'yin namoyish etishdi. Boboxonov ancha hayajonlandi, lekin bu barchada bo'ladi.

- Bundan startni o'zingiz ham kutmagan bo'lsangiz kerak.
- Nega endi (kuladi). Biz har bir o'yinda g'alaba uchun maydonga tushamiz. Barchasini to'g'ri bajardik va 6 ochko qo'lga kiritdik.

- Hujumchilarning vaziyatdan foydalana olishmagani haqida fikrlaringiz...
- To'g'ri vaziyatlar bo'ldi. Lekin Qo'ziboev ham, To'raev ham professional. Buning ustida ishlashda davom etamiz.

- Bugun Humoyun Murtazoev maydonga tushdi, Namanganda SHohruh Dostonov maydonga tushgandi. Tarkibda yana asosiy tarkibga kirishi mumkin bo'lgan yoshlar bormi?
- Bu futbolchilardan tashqari Tursunmurod Hamdamov, Sirojiddin Rahmatullaev, Xolmurodov Xolmurodov kabi futbolchilar istalgan vaziyatda maydonga tushishga tayyorlar.


Narzulla Saydullaev