Aleksandr Xomyakov: "Oliy ligaga muddatdan oldin chiqishimizni sezgandim"

-   Aleksandr Andreevich, “Mashal” muddatidan avval oliy ligaga qaytdi va bu bilan sizni tabriklaymiz. “Kosonsoy” bilan kechgan bahs haqida nima deya olasiz?
-   O'yinning birinchi taymi birmuncha yaxshi kechdi. Ammo uchta gol urib olganimizdan so'ng raqibning shashti ancha pasayib ketdi va ikkinchi taym unchalik qiziqarli bo'lmadi. Tanaffusdan so'ng esa yana ikki bor to'p kiritishning uddasidan chiqdik. Qolaversa, bu bahsni yutgan taqdirda oliy ligaga yo'llanma olishimizni bilardik. Mana, birinchilik tugashiga to'rt tur qolganda vazifani bajardik.

-   Navbatdagi uchrashuvlar qanday suratda kechadi? “Mashal” bemalol harakat qilsa kerak?
-   Vazifani bajardik, lekin bu bilan to'xtab qolmoqchi emasmiz. CHunki rahbariyat jamoa oldiga birinchi o'rinni egallash vazifasini qo'ygan. SHu bois qolgan to'rtta uchrashuvda ham faqat maksimal natijani ko'zlab harakat qilamiz.

-   Mavsum boshida “Mashal”ning muddatdan oldin oliy ligaga chiqishini kutganmidingiz?
-   Albatta, kutgandik. Negaki shunga yarasha tayyorgarlik ko'rgandik. Ikkinchi bosqich boshlangach, avgust-sentyabr oylarida hammasi hal bo'ladi deb o'ylagandim, lekin safarda “Oqtepa” va “CHust-Paxtakor”ga imkoniyatni boy berganimiz vazifani uddalash biroz ortga surilishiga sabab bo'ldi. Natijada oktyabr oyiga kelibgina o'z maqsadimizga erishdik.

-   Abbos SHodmonov nima uchundir kam o'yin amaliyotiga ega bo'lmoqda.
-   U jarohatidan yaqinda qutuldi va sekin-asta formasini tiklab boryapti. To'g'ri, o'tgan uchrashuvda u zaxirada qoldi. Bugun esa ikkinchi bo'limda maydonga tushirdim. Umuman olganda, Abbosning o'yini menga yoqadi.