Aleksandr Xomyakov: O'yin “bokschilar jangi”ni eslatib yubordi

- Bugungi o'yin haqidagi fikrlaringiz

- Biz bu erga kelayotganimizda oldinda oson bo'lmagan o'yin kutayotganini sezgandik. Birinchi turda har doim maydon egalari g'alaba qozonishga harakat qilishlari aniq edi. Birinchi bo'limda biz o'yin tizigini yo'qotib qo'ydik. Raqib esa bir qator vaziyatlar tashkillashtirishga erishdi. Maydonga moslashishimiz qiyinroq bo'ldi. SHuning uchun shogirdlarim etiborlarini ko'proq himoyaga qaratishdi. Bugun juda ham jangovor va qiziqarli o'yin bo'ldi. O'yin menga ko'proq “bokschilar jangi”ni eslatib yubordi. Har ikkala jamoa tomonidan tashkillashtirilgan hujumlar, darvoza tomon berilgan zarbalar, qulay vaziyatlarni aytmaysizmi. Biroq uchrashuv 1:1 ko'rinishida intiho topdi.

- Jamoa Zominga qanday maqsadda tashrif buyurgandi?

- Har bir murabbiy g'alaba qozonishni xohlaydi. Men shogirdlarimga kim-qaysi chiziq va joylarda harakat qilishlarini tushuntirganimdan so'ng ulardan so'ragandim: “Kimgadir unga berayotgan ko'rsatmalarim maqul kelmay qolmadimi?”. Hamma, butun jamoa faqat va faqt g'alaba uchun tashrif buyurgandik.

- Bugun har ikkala jamoa tomonidan kiritilgan gollarning bekor qilinganligini qanday izohlaysiz?

- Men hozir bu vaziyatlar masalasida javob berishga qiynalaman. Videotasmani qayta ko'rib o'rganib chiqqanimizdan so'nggina biron narsa deyishim mumkin.