Aleksandr Xomyakov: "Kim ko'proq hujum qilsa o'sha ko'p g'alaba qozonadimi? "Lester"ga qarang!"

"G'alaba qozonganimizdan xursandman. Deyarli ikki oydan beri g'alaba qozona olmayotgandik. Xattoki mavsumoldi yig'inlar paytida ham. Yigitlarga buning uchun rahmat aytmoqchiman. Umid qilamanki, bu davomli bo'ladi. O'ylagan rejalarimiz amalga oshganidan xursandman.

O'yinni tashkil qilishda muammolarimiz bor. Xarakter ko'rsatgan yigitlarga rahmat. Futbolchilarimizni, muxlislarimizni g'alaba bilan tabriklayman.

O'z maydonimizda o'ynaganimiz uchun ham ko'proq hujum qilishimiz lozim edi. "Bunyodkor"ga qarshi o'yinda esa himoyaviy o'yin ko'rsatgandik. O'sha o'yinda asosiy maqsadimiz - mag'lubiyatga uchramaslik edi.

Kim ko'proq hujum qilsa o'sha ko'p g'alaba qozonadimi? Angliyada "Lester" ko'p hujum qilmoqda deb o'ylaysizmi? Lekin, jamoa turnir peshqadami bo'lib turibdi. SHuning uchun, to'p bilan muomala qilishda ustunlik qilish g'alabani kafolatlaydi demagan bo'lardim.

Kelajakda yana hujumkor futbol ko'rsatamiz", - deya o'z fikrlarini yakunladi Xomyakov.

"Mashal" matbuot hizmati