Aleksandr Xomyakov: "Hujum yaxshi himoyadan boshlanadi"

"Birinchi o'rinda hamma muxlislarimizni yaqinlashib kelayotgan  bayram bilan tabriklayman.  Bayramni yaxshi kayfiyatda kutib olish uchun hissa qo'shganimizdan mamnunman.  

Juda ham asabiy o'yin bo'lib o'tdi. Men bugungi natijadan xursandman. Yirik hisob bo'lmasligini kutgan edi.  Biz ikkinchi bo'lim davomida o'n kishi bo'lib o'ynashga  majbur bo'ldik. SHu hisobni saqlab qolish uchun yaxshi himoyalandik deb o'ylayman. Bekorga aytishmaydiyu hujum yaxshi himoyadan boshlanadi. Bugungi natija uchun yigitlarga rahmat aytaman. Yaxshi o'yin ko'rsatdik. Futbolchilar asabiy ruhda o'tgan uchrashuvda jangavor o'yin ko'rsatdi"

"Mamazulumovni olganligim sababi bu taktik o'zgarish edi. Mamazulomov tushganda bir 11 kishi bo'lib o'ynadik. SHundan keyin biz bir kishi kam bo'lib qoldik va bu vaqtda himoyalanishga majbur edik. Bizga ko'proq hujum emas himoyachi kerak edi. Qo'ziboev ishonchliroq o'ynab turgan edi. Undan tashqari unda yuqoridan kelgan to'p uchun kurashish imkoniyati yuqori edi"

"Oraliqda juda katta tanaffus bor. Biz bundan unumli foydalanishga harakat qilamiz.  2 sentabrdan boshlab Yangierda yig'inni boshlaymiz. Undan tashqari shu yig'in davomida bitta nazorat uchrashuvini ham o'tkazamiz" , - deydi Aleksandr Xomyakov