Aleksandr Volkov: "Qosimovning o'yinida o'sish bor"

O'yinni birgalikda tomosha qilish barobarida futbolchilarimizning maydondagi harakatlarini ham muhokama qildik.

Jahon chempionati oldidan jarohat orttirib olish qimmatga tushishi kundek ravshan. SHunga qaramay, bugun yigitlarimiz tezkor futbol namoyish etishdi. Javohir Siddiqov, Mirjamol Qosimov kabi futbolchilar o'z o'yinlarini ancha jonlantirishibdi. Ayniqsa, Mirjamolning harakatlaridan xursandman. U ketma-ket ikkita o'yinda ham gol urdi. Maydonda ham katta hajmdagi ishni bajaryapti. Bilishimcha, uyda ham maxsus dastur asosida ishlayapti. SHu zaylda ishlashda davom etishini chin dildan istardim. Jahon chempionatida har bir futbolchimiz o'zini ijobiy tomondan ko'rsatib, terma jamoamiz g'alabasi uchun xissa qo'shishini xohlayman, - dedi Volkov.

Takidlash joiz, kechagi O'zbekiston (U-20) - Qirg'iziston (U-23) o'yinini bevosita stadiondan Terma jamoalar markazi direktori Asqar Tolibjonov, professor Rustam Akramov, milliy terma jamoa bosh murabbiyi Mirjalol Qosimov, O'zbekiston yoshlar (U-18) terma jamoasi bosh murabbiyi Jasur Abduraimov kabi futbolimizning ko'z ko'ringan mutaxassislari kuzatib borishdi.