Aleksandr Volkov: "O'zimiz qiyin holatga tushirib undan qahramonlarcha chiqib ketdik"

"Hayrli kech. Barchani g'alaba bilan tabriklayman. O'yin oldindan qiyin bo'lishini kutgandim. Raqib safida 77-raqamdagi futbolchi kuchli ekanini, biz hujumda o'ynashimizni aytgandim. Yaratgan biz tomonda bo'ldi, klub va mamlakatimiz uchun muhim uch ochkoni qo'lga kiritdik", - deydi Aleksandr Volkov.

"Alibobo Rahmatullaev og'ir davrni boshidan o'tkazdi. Biroq bugun o'zini ko'rsatdi va gol urdi. O'zimiz qiyin holatga tushirib undan qahramonlarcha chiqib ketdik".

"Pishurda ko'p vaziyat bo'ldi, ammo gol ura olmadi. Lekin uni yomon o'ynadi deya olmayman. Kecha yodimdan ko'tarilgandi, mashg'ulotlarda juda ko'p ishlamoqda. Unda vaziyatlar ko'p bo'ldi deyapsiz, bu vaziyatga chiqish uchun ham kerakli joyda bo'lish kerak".

"Raqib safida Elton "Jon" (kuladi) yaxshi o'ynadi. "Bunyodkor" safida hech kimni maqtamoqchi emasman, shu bois hech kimni ajrata olmayman".

"Jamoa bilan birga safardagi o'yinlarga uchmasligim sog'ligim bilan bog'liq emas. Barchasi mish-mish. Qatardagi bahsga albatta boraman".

"Narigi o'yindagi natijadan xabardor bo'lib turdingizmi? Albatta. Lekin yigitlarga aytmadik. Tanaffus vaqtida yigitlar "Fulad" yutayotganini bilishdi va o'zlarini o'zlari ikkinchi bo'limga tayyorlashdi".