Alan Perren: "CHorak finalda bizga kim raqib bo'lishining farqi yo'q"

"Bugun katta natijaga erishdik. Yigitlar g'ayrat bilan harakat qilishdi va fantastik natijaga erishdik. Keyingi bosqichga chiqdik. O'yin boshida u qadar yaxshi o'ynay olmadik. Lekin oxirigacha kurashib kerakli natijaga erishdik", - deydi Perren. 

"Biz murabbiyning ko'rsatmasiga ko'ra o'ynadik. Yaxshi o'yin bilan g'alabaga erishdik. Barchamiz xursandmiz", - deydi Vu Ksi.

- Tanaffus vaqtida zaxiradagi bazi o'yinchilar chigalyozdi mashg'ulotlarini qilishmadi. Buning sababi nimada?

- CHigalyozdi mashq qilmagan bo'lsa ham zaxiradan maydonga tushganlar yaxshi o'ynashdi. Masalan, Sun Ke gol urdi. Bizga mashg'ulot emas o'yin muhim.  

- Almashtirishlarni izohlab bersangiz.

- O'yin 90 daqiqa davom etadi. Futbolchilarda jismoniy kuch bo'lishi kerak. Menda uchta o'zgartirish imkoniyati bor. Ularning bari men uchun juda muhim. Vaziyatdan kelib chiqib kerakli o'yinchilarni tushirdim. 

- Avstraliyaga kelishdan oldin siz guruhda birinchi o'rinni olamiz degan edingiz. Tabriklayman. Vu Ksi va Sun Ke haqidagi fikrlaringizni bildirsangiz. 

- Vu Ksi ham, Sun Ke ham bugun jamoamizga foyda keltirishdi. Sun Ke maydonga tushishi bilan gol urishga erishib ruhiyatimizni ko'tarib yubordi.

- Guruhda birinchi o'rinni olib bo'ldinglar. CHorak finalda qaysi raqibga qarshi o'ynashni istardingiz: Janubiy Koreyami yoki Avstraliyami?

- Biz raqib tanlay olmaymiz. Kim bizga raqiblik qilsa o'sha jamoaga qarshi o'ynayveramiz. Osiyo Kubogida kuchsiz raqib yo'q.

- Jamoa guruhdan chiqish vazifasini ijobiy hal qildi. Bugun futbolchilarga bayram qilishlariga ruxsat berasizmi?

- Mehmonxonaga qaytgach shampan ichishim mumkin. Lekin keyingi o'yinlar biz uchun muhim. O'zimizni yo'qotmagan holda navbatdagi bahsga tayyorgarlik ko'ramiz.

Vu Ksi: "Albatta biz keyingi bosqichga chiqdik. Buni nishonlaymiz. Qo'shiqlar va raqslar bilan dam olamiz. Ertadan KXDRga qarshi o'yinga tayyorgarlik boshlanadi"

- Ikkinchi bo'limda nimalar bo'lgani haqida aytib bering.

Vu Ksi: "Murabbiy ko'rsatmasi to'g'ri bo'lib chiqdi. Irodali g'alabaga erishganimizdan xursandmiz. Zaxiradan tushganlar bizga anchagina yordam berdi".

Narzulla Saydullaev

Brisben shahridan