Akmal Rustamov: "Qizilqum" himoyaviy futbol o'ynamoqda deb ko'p gapirishyapti, men ushbu fikrga qo'shilmayman"

Ikkinchi davrada zich taqvim bo'lib qoldi. Shu sababli har uch yoki to'rt kunda o'yin o'tkazyapmiz. Jismoniy holatga tasir qilmoqda. Shuning uchun rotaciya qilishga majbur bo'ldik. Futbolchilarim maydonda borini berganlari uchun rahmat aytaman. Bugun ham ikkita yoki uchta yaxshi vaziyatlarga ega bo'ldik. "Qizilqum" himoyaviy futbol o'ynamoqda deb ko'p gapirishyapti, men ushbu fikrga qo'shilmayman. Himoyada o'ynagan bo'lsak ham, bugun raqibdan ko'ra yaxshiroq va xavfliroq imkoniyatlar yaratdik. Chempionatimiz juda raqobatbardosh. Bugundan boshlab keyingi bahs haqida o'ylashimiz kerak. Xorazmgacha masofa ancha uzoq. Bugungi uchrashuvni tahlil qilib, "Xorazm"ga tayyorgarlik ko'ramiz." - dedi Akmal Rustamov bugungi bahs haqida.

- Zich taqvimga qaramay "Qizilqum" sizning qo'l ostingizda hali mag'lubiyatga uchramadi. Buning siri nimada?

- Jamoani menga ishonib topshirishganidan keyin biz bir oila bo'ldik. Bir oila bo'lib harakat qilyapmiz. Asosiy siri shu.