Akbar To'raev: "Andijon" ustidan qozonilgan g'alaba navbatdagi uchrashuvlarda bizga katta motivaciya berishiga ishonaman"

Gap shundaki ushbu turga qadar Ravshan Haydarov shogirdlari qatorasiga 10ta turdan beri o'z maydonlarida g'alaba qozona olmayotgandi. Ushbu uchrashuvda g'alaba to'pini Abduqahhor Hojiakbarov kiritgan bo'lsada, darvozabon Akbar To'raev jamoasini muqarrar gollardan qutqarib qoldi. Biz esa o'yindan so'ng mahoratli kiperning fikrlariga quloq tutdik.

"Surxon"dagi ayni paytdagi vaziyat haqida

Butun dunyoda pandemiya hukum surmoqda. Ochkolarni yo'qotishimizda karantin katta rol o'ynadi deb o'ylayman. CHunki, kerakli pallada mashg'ulotlarni qila olmadik. SHuningdek murabbiylar almashinuvi o'z so'zini aytdi desam to'g'ri bo'ladi. Ko'rgan bo'lsangiz hech bir bahsda o'yin tomonlama mag'lub bo'lmadik. Qaerdadir xatolar pand berdi, yana qaerdadir omad bizdan ochiqchasiga yuz o'girdi. 

Maosh va qarzdorliklar

Qarzdorliklar sekin-asta ijobiy hal qilinishini rahbariyatimiz vada berdi. 

"Andijon" bilan o'yindagi g'alaba haqida

Ushbu g'alaba navbatdagi uchrashuvlarda bizga katta motivaciya berishiga ishonaman. 

O'z maydonidagi g'alabasiz seriya sababi

Yuqorida takidlaganimdek mashg'ulotlar o'tkazish, jamoaning jismoniy holatini bir maromida ushlab turish qiyin bo'ldi. 

Akbar To'raevning o'yinida nima uchun barqarorsizlik yuzaga keldi?

Jarohatlar qiynab yubordi. Alam qiladigan jihati yo'q joydan mashg'ulotlarda ham jarohat orttirib oldim. Hozir o'zimni yaxshi his qilmoqdaman. Xudo xohlasa avvalgi mavqeimga qaytishga harakat qilaman. Maqsadim milliy terma jamoaga qaytish. Har bir o'yinda g'alaba uchun maydonga chiqamiz. Kubokni qo'lga kiritish zimmamizga yuklatilgan!

Abdulaziz Iskandarov yozib oldi.