Ahad Yusupov: "Lokomotiv" keyingi yil ham chempion bo'lishga harakat qiladi"

“Finalda g'olib bo'lish uchun uchta yutuqni qo'lga kiritish lozim edi, shuning uchun ham biz aynan uchta o'yinga tayyorgarlik ko'rdik.

Birinchi o'yin biroz qiyin kechdi, buni hisobni o'zi ham aytib turibdi - 3:1. Kuchsiz jamoa finalgacha etib kela olmaydi, shuning uchun ham yigitlar dastlabki baxsda qiynalishdi. O'sha kuni har ikkala jamoaning imkoniyatlari teng edi, ammo biz yaratilgan vaziyatlardan yaxshiroq foydalandik.

Ikkinchi o'yinda hammasi oldindan tuzilgan reja bo'yicha davom etdi, tanlagan taktikamiz samarali ish berdi va biz ishonchli g'alabani qo'lga kiritdik.

Hal qiluvchi uchinchi o'yinda esa futzalchilarimiz uchrashuvdan oldin g'alabaga ishonib yuborishdi, oldingi ikki bellashuvdagi g'alaba ham xotirjamlikka berilishimizga sabab bo'ldi. SHuning uchun ham bu o'yinga ruhan tayyor bo'la olmadik. Uchinchi o'yinning boshida va oxirgi daqiqalarida hotirjamlikka berildik, chunki, parketda harakat qilayotgan o'yinchilarimiz tushunib turishibdiki, biz chempionlikka juda va juda yaqin turibmiz. Bu esa hotirjamlikning asosiy sababchisi bo'ldi. Bundan tashqari, bu o'yinda raqiblarimizga omad ham etishmadi.

Biz chempion bo'ldik va bu g'oliblik bilan “Lokomotiv” jamoasining barcha muxlislarini chin qalbimdan tabriklayman. Nasib qilsa, keyingi yil ham chempion bo'lishga harakat qilamiz

Bizga ushbu chempionlikni qo'lga kiritishimizda bosh homiyimiz - O'zbekiston Temir Yo'llari DATK judayam katta. Raxbariyatimizga futzalchilar va murabbiylar shtabi nomidan o'z minnatdorchiligimni izhor etaman, - deydi Ahad Yusupov”, - deydi Ahad Yusupov.


Tolibjon Qosimov yozib oldi.