AGMK Turkiya yig'ini doirasidagi so'nggi o'yinda g'alabaga erishdi
26 fev 2021 21:55
Yangiliklar
![](https://championat.asia/upload/storage/622371_original.jpg)
![](/upload/storage/622371_220.jpg)
AGMK Turkiya yig'ini doirasidagi so'nggi o'yinda g'alabaga erishdi
Yig'in doirasidagi yakuniy o'yin Qozog'istonning o'tgan mavsum yakunlariga ko'ra 6-o'rin sohibi "Jetisu" jamoasiga qarshi kechdi.
O'yinda yaqqol ustunlik qilgan AGMK har ikkala taymni hujumkor ruhda o'tkazdi. Raqib esa doimiy himoyalanish bilan band bo'lib, faqatgina qarshi hujum yoki standart vaziyatlari orqali darvozaga xavf solishga urindi. Ikkinchi taymda zaxiradan maydonga tushgan Zafar Polvonov qanotdan uzatilgan to'pni chalqancha uslubda ajoyib zarba yo'llagan holda darvozaning yuqori qismiga joylab qo'ydi. So'ngra Sanjar Tursunov tomonidan amalga oshirilgan burchak zarbasidan keyin Jasur Umarov o'yindagi hisobni yanada oshirib, uchrashuv taqdirini hal etdi.
SHu tariqa AGMK yig'in doirasida o'tkazilgan 5 o'yindan uchtasida g'alaba ("Telavi" 3:2, "Atirau" 2:0, "Jetisu" 2:0) qozondi va 1 mag'lubiyat ("Torpedo Belaz" 1:2) hamda 1 durang ("Torpedo Belaz" 2:2) qayd etdi.
AGMK jamoasi ertaga Antaliya-Toshkent yo'nalishi bo'ylab charter reys orqali yurtimizga qaytab ketadi.
Nazorat uchrashuvi.
AGMK - "Jetisu" (Qozog'iston) 2:0
Gollar: Polvonov (67), Umarov (76)
"Miracle Football centre" stadioni.
AGMK — Botirali Ergashev - Dilshod Ahmadaliev, Abbos Otaxonov, Sardor Rahmonov, Murod Toshmatov - Yovan Jokich, Mirjamol Qosimov, Sanjar SHoahmedov - Sanjar Tursunov, Aleksandr Kasyan, Elvin Fortes.
Zaxiradan maydonga tushganlar: Jasur Umarov, Mirg'iyos Sulaymonov, SHeroz Jalolov, Vladimir Kozak, Dilshod Jo'raev, SHohruh Gadoev, Zafar Polvonov.
O’xshash yangiliklar
![AMP Logo](https://championat.asia/image/logo-amp.png)
Fikrlar