AGMK OCHL-2019 uchun "zayavka"si bilan tanishing

Xabaringiz bor, kelayotgan mavsumda xalqaro maydonda yurtimiz sharafini 3 ta klub himoya qiladi. 

Qitamizning klublar miqiyosidagi eng nufuzli musobaqasi – OFK CHempionlar ligasida O'zbekiston chempioni “Lokomotiv” ishtirokini guruh bosqichidan boshlaydi.Mamlakat vice-chempioni – “Paxtakor” va kubok sohibi – AGMK esa saralash orqali bahslarga kirishadi.

Qayd etish joizki, OCHL-2019 saralashi doirasida ikkinchi o'tish bosqichidan musobaqada ishtirokini boshlovchi klublarimiz bugun qita CHempionlar ligasida qatnashuvchi futbolchilarini ro'yxatdan o'tkazadi. 

AGMK jamoasi Osiyo CHempionlar ligasi-2019 saralash bosqichida qatnashish uchun 29 nafar futbolchini ro'yxatdan o'tkazdi. Ularning 2 nafari xorijlik futbolchilardir. Klub hozircha legionerlar uchun ajratilgan limitdan to'la foydalanmaslikni afzal bildi. Agar jamoa saralashdan muvaffaqiyatli o'tib, guruh bosqichiga yo'l olsa, tarkibga yana 2 nafar chet ellik o'yinchi qo'shilishi mumkin. Hozircha esa olmaliqliklar serbiyalik futbolchilar – Mirolyub Kostich hamda Marko Zochevichni ro'yxatdan o'tkazishdi. Har ikki yarim himoyachi ham AGMK safiga Serbiya chempionatidan kelib qo'shilishdi. 

AGMKning OCHL-2019 saralash bosqichi uchun futbolchilar ro'yxati 

Qayd etish joiz, AGMK klubi 7 fevralga qadar mazkur ro'yxatga 5 ta o'zgartirish kiritish huquqiga ega.  

AGMK 12 fevral kuni OCHL doirasida o'z maydonida Tojikiston chempioni "Istiqlol"ga qarshi o'ynaydi.