Afsonaviy sharhlovchi Mirzahakim To'xtamirzaev hozir qaerda?

Futbol translyaciyalarsiz bugungi darajasiga chiqolmasdi. Inglizlar ixtiro qilgan o'yin muxlislar qalbidan o'rin egallashida sharhlovchilarning hissasi futbolchilardan kam emas. Etibor qilgan bo'lsangiz, so'nggi yillarda ishqibozlar orasida aynan sharhlovchilarga nisbatan etirozlar ko'payib ketdi. Buni mazkur sohani cho'qqiga olib chiqqan katta avlod vakillarining sharhni tark etgani bilan izohlash mumkin. 

Ruknimizning oldingi sonlaridan keyin saytimiz mushtariylaridan bir nechta murojaatlar kelib tushdi. Ular ustoz jurnalist Mirzahakim To'xtamirzaevning ayni paytda nima bilan band ekaniga qiziqishgan. Kimdir bilan sharhlovchilik masalasida suhbatlashgan bo'lsangiz, bu savol sizga ham berilgani shubhasiz. SHu tufayli oxirgi paytlar oynayi jahonda ko'rinish bermay qo'ygan Mirzahakim aka haqida malumot berishga qaror qildik.

Mirzahakim To'xtamirzaev sharhlovchilikdan ketgan bo'lsalar-da, "sport qozonida qaynashda" davom etmoqdalar. Ustozimiz ayni paytda "Sport", "Sport+" (rus tilida), "O'zbekiston futboli" gazetalarining bosh muharriri, O'zbekiston jurnalistika va ommaviy kommunikaciyalar universiteti docenti hisoblanadilar. Mirzahakim aka vaqtlarining asosiy qismini bo'lajak jurnalistlarga tahsil berib, boy tajribalarini ular bilan bo'lishishga sarflamoqdalar.

Quyidagi videolavhada O'zbekiston milliy jamoasining Qatarga qarshi 2011 yilgi Osiyo chempionatining ochilish o'yinida sodir bo'lgan xavfli vaziyatlarni tomosha qilishingiz mumkin. Albatta, Mirzahakim To'xtamirzaev ijrosidagi super sharhda!

P.S.: Mirzahakim aka "Championat.asia" va "Olamsport.com" saytida faoliyat yurituvchi barcha jurnalistlarning bevosita ustozi hisoblanadilar.

Qadrli muxlis, kelgusi safar yana kimlar haqida malumot berishimizni istaysiz?

"Paxtakor"da o'ynagan portugal, isroillik va braziliyalik futbolchilar hozir qaerda?