Abduvohid Nematov: Olimpiya terma jamoamiz Osiyo chempionatidagi har bir o'yinda g'alaba uchun maydonga tushadi
20 dek 2019 16:20
Yangiliklar
![](https://championat.asia/upload/storage/535123_original.jpg)
![](/upload/storage/535123_220.jpg)
Abduvohid Nematov: Olimpiya terma jamoamiz Osiyo chempionatidagi har bir o'yinda g'alaba uchun maydonga tushadi
Mazkur musobaqada Lyubinko Drulovich boshchiligidagi O'zbekiston olimpiya terma jamoasi yurtimiz sharafini himoya qiladi. Olimpiyachilarimiz ayni paytda musobaqaga tayyorgarlikning yakuniy bosqichini BAAda olib bormoqda.
Terma jamoamiz posboni Abduvohid Nematov O'FA rasmiy saytiga musobaqaga tayyorgarlik jarayoni qanday ketayotgani xususidagi fikrlarini bildirdi:
- Osiyo chempionati boshlanishiga oz vaqt qoldi. Terma jamoamiz turnirga jiddiy tayyorgarlik olib boryapti. Yigitlarda kayfiyat hamda jamoadagi ichki muhit alo darajada. Yigitlar bir-birlari bilan juda inoq. Mashg'ulotlarda barcha 100 foiz kuch bilan mehnat qilyapti. Zero hech narsa o'z o'zidan kelmaydi. Barcha muvaffaqiyatni ortida mashaqqatli mehnat yotadi. SHuning sabab maqsadimizga etish uchun yanada ko'proq ishlashga harakat qilyapmiz.
Maqsadimiz – Tokio olimpiadasiga yo'llanmani qo'lga kiritish va bu orqali yangi tarix yaratish. Tokioga borish uchun esa Osiyo chempionatida g'oliblar qatorida o'rin olishimiz lozim. Bu oson bo'lmasligi tayin. Lekin yurtimizdagi ko'plab muxlislar, ota-ona va yaqinlarimiz bizni qo'llab-quvvatlab turishadi. SHuning uchun ham har bir uchrashuvda faqat va faqat g'alaba qozonish uchun maydonga chiqamiz.
Jamoada yigitlar juda inoq. Yagona oila bo'lib qita chempionatida munosib ishtirok etish uchun bor kuch va mahoratimizni ishga solamiz. Men ham qo'limdan kelgancha terma jamoamizga foyda keltirishga urinaman, - deya takidladi 18 yoshli darvozabon.
O’xshash yangiliklar
![AMP Logo](https://championat.asia/image/logo-amp.png)
Fikrlar