Abdusamad Do'rmonov: “Neftchi”da asosiy tarkib, ikkinchi tarkib degan tushuncha yo'q"
18 avg 2019 21:21
Yangiliklar
![](https://championat.asia/upload/storage/513060_original.jpg)
![](/upload/storage/513060_220.jpg)
Abdusamad Do'rmonov: “Neftchi”da asosiy tarkib, ikkinchi tarkib degan tushuncha yo'q"
"Bugungi o'yin qiyin bo'lishini bilardik. “Xorazm” yaxshi shakllangan va tajribali jamoa, ular PRO-Ligada birinchi mavsum o'ynayotganlari yo'q, shu bois ular bugun uchrashuvda bir-birlarini yaxshi tushunib harakat qilishdi.
Biz bugunga qadar qimmatli ochkolarni yo'qotib bo'ldik, bundan buyog'iga har bir uchrashuvda g'alaba uchun maydonga tushishimiz lozim bo'ladi. Buyog'i marraga oz qoldi, endi ochko yo'qotishga haqqimiz yo'q, uydami safardami yutishimiz shart. Jamoamiz futbolchilariga doim takidlayman, futbolda g'alaba qo'shimcha ishtiyoq beradi, ijobiy natijalar o'z-o'ziga bo'lgan ishonchni oshiradi.
Bugun tarkibimizda yo'qotishlar bor edi. O'tgan uchrashuvda qizil kartochka olgan himoyachimiz Jamshid Qobulov, shuningdek Alisher Abduvohidov jarohati tufayli bugungi o'yinni o'tkazib yuborishdi. O'ylaymanki, tez orada ular yana safimizga qo'shilishadi. “Neftchi”da asosiy tarkib, ikkinchi tarkib degan tushuncha yo'q, 25 nafar futbolchining barchasi asosiy tarkib futbolchilari hisoblanishadi. SHunchaki 11 nafar futbolchi boshlang'ich tarkibda maydonga tushadi. Kimdir jarohat yoki boshqa sabab bilan maydonga tusha olmaydimi, demak uni o'rnini to'ldirishga o'sha chiziq vakili tayyor bo'lishi kerak, biizda shunday muhit shakllangan. Aytganimdek, o'sha 11 nafar futbolchidan iborat boshlang'ich tarkibni esa jarayondan kelib chiqib, jamoamiz murabbiylari bilan birgalikda aniqlaymiz. Bugun stadionga kelib qo'llab-quvvatlab turgan muxlislarga jamoamiz nomidan minnatdorchilik bildiraman", – deydi Abdusamad Do'rmonov.
Bekzod Tolibov yozib oldi.
O’xshash yangiliklar
![AMP Logo](https://championat.asia/image/logo-amp.png)
Fikrlar