Abdusamad Do'rmonov: “Neftchi” nomidan maydonga faqat g'alaba uchun tushish kerak"

Dastlabki ikki turda mag'lubiyatga uchradik, biroq o'sha uchrashuvlarda o'z xatolarimiz evaziga gol o'tkazib yuborgandik. Mag'lubiyatga uchragan uchrashuvlarimizda ham jamoamiz yomon o'yin ko'rsatmagandi. Bugungi o'yin uchun jiddiy tayyorgarlik ko'rdik, oddingi uchrashuvlardagi xatolarimizni tahlil qildik. “Neftchi” nomidan har bir futbolchi maydonga faqat g'alaba uchun chiqishi kerak. Bunday shonli tarixga ega jamoaga munosib bo'lish kerak, ana o'shanda g'alabalar bo'ladi.

Bizdagi birinchi vazifa o'yinimizni yaxshi tashkil etish va uchrashuvlarda g'alabalar qozonishdan iborat. Bugungi uchrashuv har kuni o'zimiz mashg'ulotlar olib boradigan maydonda o'tkazilganligi ham bugungi g'alabamizni taminlovchi omillardan bo'ldi.

Pro-ligada o'ynayotgan bo'lsak ham bizga ishonib uchrashuvlarga tashrif buyurayotgan muxlislarimiz uchun yana Superligaga qaytish uchun harakat qilamiz.

Bekzod Tolibov yozib oldi.
“Neftchi” matbuot xizmati bilan xamkorlikda tayyorlandi.