Abdusamad Do'rmonov: "Istiqlol"ni ilk bor mag'lub etganimizdan xursandmiz"

- Bugun tajribali futbolchilar Pavel Smolyachenko va Eldor Ergashev zaxirada qoldi. Buning sababi nima edi?
- Har bir o'yindan oldin murabbiylar shtabi maslahatlashib qaysi futbolchilar asosiy tarkibda tushishini hal qilamiz. Zaxiradan maydonga tushib o'yinimizni kuchaytirishdi. Ergashev gol ham urdi.

- Bugungi derbiga alohida tayyorgarlik ko'rilganmidi?
- Biz bahsdan oldin statistikani ko'rdik, Pro ligada "Istiqlol"ni umuman yutmagan ekanmiz. Futbolchilarga qachondir bu seriyani buzish kerakligini tushuntirdim. Bunday o'yinlarda har tomonlama kuchli bo'lish kerak. O'yin og'ir o'tdi. Tarkibda 4 nafar futbolchimiz jarohat olgan. Bular darvozabonimiz Abduraimov, Sultanov, Islom Karimov va Anvar Xojimirzaev. SHu bois yigitlarga kim maydonga tushadi, kim zaxirada qolishining farqi yo'qligi bir jamoa bo'lishimizni aytdim. Futbolchilarga rahmat aytaman. To'g'ri qiyin bo'lmoqda. O'yindan-o'yinga kuchayib boramiz.

- O'zaro o'yinlarga nazar tashlasak "Neftchi" ilk bor derbida g'alaba qozondi. Bu jamoaga qanday kayfiyat, ishtiyoq beradi?
- Yigitlarga raqibdan qanday kamchiligimiz bor deb so'radim. Istak, xohish birinchi o'ringa chiqishi kerak. Penalti ham ura olmadik, oxirigacha kurashdik. Jarohat olganlar tarkibga qaytsa hammasi yaxshi bo'ladi. Majburiy tanaffus tufayli yigitlar hozircha o'yin tonusida emas.