Abdurahmon Yumangulov va Ixtiyor Karimov "SHo'rtan"da ish boshlashdi
06 fev 2020 11:50
Yangiliklar
![](https://championat.asia/upload/storage/543640_original.jpg)
![](/upload/storage/543640_220.jpg)
Abdurahmon Yumangulov va Ixtiyor Karimov "SHo'rtan"da ish boshlashdi
Jumladan, klub bosh menejerligiga SH.Yarulin tayinlangan bo'lsa, “Oq bo'rilar” bosh murabbiyligini A.Aliqulov qo'lga oldi. SHamil Yarulin ayollar futbolida mamlakatimizning nomdor klublaridan biri “Sevinch” (Qarshi) hamda “Nasaf” jamoalari boshqaruvida samarali mehnat qilib tanilgan bo'lsa, Asror Aliqulovga ham ortiqcha tarif berishning hojati yo'q. Birgina o'tgan mavsumda “Mashal” jamoasi uning boshqaruvida yana Superligaga yo'l olgani ko'p narsadan dalolat berib turibdi.
Mavzuni davom ettirgan holda shuni takidlash joizki, Prezidentimizning millionlar o'yinini yanada rivojlantirish to'g'risidagi qarorlari asosida G'uzorda ham bolalar futbol Akademiyasi o'z faoliyatini boshladi. Ushbu futbol maskaniga tajribali mutaxassislarni ishga taklif etish borasida ham jiddiy harakatlar amalga oshirilmoqda. O'z davrining taniqli futbolchilari, keyinchalik shu sohada murabbiy va mutaxassis bo'lib ish olib borgan Abdurahmon Yumangulov direktor, Ixtier Karimov esa uning yordamchisi vazifasiga tayinlanishdi.
A.Yumangulov mustaqillik davrining dastlabki yillarida “Mashal” (Muborak) safida Qashqadaryo futbolini mamlakatimiz Oliy ligasiga ko'tarilishida katta hissa qo'shganligi bilan muxlislar etiboriga tushgan.
I.Karimov G'uzor futbolining tarbiyalanuvchisi hisoblanadi. U “SHo'rtan” tarkibida, avval futbolchi keyin esa murabbiy, bosh murabbiy lavozimlarida munosib faoliyat ko'rsatgan. Nafaqat g'uzorlik, balki qashqadaryolik va qolaversa, Respublikamizning ko'p ming sonli muxlislari yaxshi bilishadiki, 2017 yilgi futbol mavsumining birinchi davrasida Ixtier Karimov bosh murabbiyligidagi “Oq bo'rilar” ketma-ket poytaxtning to'rtta - “Lokomotiv” (2:0), “Paxtakor” (3:0), “Bunyodkor” (1:0) va “Obod” (2:0) kabi jamoalarini mag'lub etishga muvaffaq bo'lgan.
O'z navbatida biz har ikki mutaxassisga masuliyatli vazifalarida muvaffaqiyatli faoliyat olib borishlarini tilab qolamiz.
“SHo'rtan” matbuot xizmati bo'limi
O’xshash yangiliklar
![AMP Logo](https://championat.asia/image/logo-amp.png)
Fikrlar