Abduqahhor Marufaliev: “Saudiya Arabistonini yutsa bo'ladi”

Bizni faqat g'alaba qoniqtiradi. SHunday ekan o'yinning ahamiyati yuqori. Bo'lajak bahs oldidan o'z vaqtida terma jamoamiz libosini qiyishga muvaffaq bo'lgan Abduqahhor Marufalievning fikrlari bilan qiziqdik.

- Osiyo chempionati o'yinlarini imkon qadar kuzatib boryapman. Xitoy bilan o'yinda tayyor g'alabani qo'ldan boy berdik. Hozir bizni faqat g'alaba qoniqtiradi. CHunki guruhda qiyin vaziyatga tushib qolganmiz. Lekin bilasizmi har gal terma jamoamiz huddi shunday qiyin vaziyatlarda iroda ko'rsatib, chiqib ketadi. Bugun ham tabiiyki vakillarimizdan g'alaba kutamiz. Saudiya Arabistoni ham kamida durang uchun borini beradi. Raqibni hurmat qilgan xolda, yigitlar xalqimizga xursandchilik ulashadi degan niyatdaman.

- Odil Ahmedov jarohatdan keyin endi-endi o'zini ko'rsata boshladi. Hali uning foydasi katta bo'ladi.

- Vitaliy Denisov yaxshi o'ynamoqda. Agarda milliy chempionatimizdagi o'yinchilarni oladigan bo'lsak, Igor Sergeev o'zini ko'rsatmoqda. Menimcha u Osiyo chempionatida kashfiyot bo'ladi va xorij klublariga o'tishga yaqin bo'lgan nomzoddir. Undan tashqari Akmal SHorahmedov ham mazkur chempionatdan keyin faoliyatini xorijda davom ettirsa kerak. Bu borada Sardor Rashidovni ham ko'rsatish mumkin.

- Murabbiylik ishi oson emas. Mirjalol Qosimovni o'zi biladi, qanday tarkibni tushirishni. SHaxsiy fikrimni aytadigan bo'lsam, bugun Sardor Rashidov boshlang'ich tarkibdan joy olsa kerak. Nima bo'lganda ham, bugun yigitlarimizni g'alaba qozlonishlarini kutib qolamiz. Bu borada ularga omad yor bo'lsin, - deydi Abduqahhor Marufaliev