Abdumavlon Abdujalilov: “Bunyodkor”ning sovrinli o'rinlar uchun kurashishini hech kim kutmagandi"
28 dek 2019 17:30
Yangiliklar
![](https://championat.asia/upload/storage/536411_original.jpg)
![](/upload/storage/536411_220.jpg)
Abdumavlon Abdujalilov: “Bunyodkor”ning sovrinli o'rinlar uchun kurashishini hech kim kutmagandi"
Yil boshida tarkibda faqat Murod Zuhurov qolganini inobatga olsak, yosh posbon tajribali kiperga raqobatchilik qilishi kerak edi. Fikrimizcha u o'zining jamoadagi dastlabki mavsumidayoq muxlislar etiboriga tushdi. Qiyin pallalarda, muqarrar gollardan qutqardi. Terma jamoadan chorlov qabul qildi. Biz futbolchi bilan suhbatlashdik.
- Bu yil ilk bor “Bunyodkor” libosida maydonga tushdingiz. Klubdagi debyut mavsum siz uchun qanday o'tdi?
- Yil avvalida, jamoamizni sovrinli o'rinlar uchun kurashishini hech kimning xayoliga kelmagandi. Jamoadagi ichki muhitni yaxshiligi hisobiga shunday yutuqlarga erishdik deb o'ylayman. Bollar ham murabbiyning ko'rsatmalarini maydonda to'g'ri bajarishga harakat qilishdi. Vadim Abramov faqat o'z o'yinimizni o'ynashimizni, natija esa o'z o'zidan kelishini takidladilar.Ko'rib turibsiz qilingan mehnatlarimiz samarasi uzoq kuttirmadi. Uchinchi o'rin klub tarixida ilk bor qayd etildi. Oldingi yillarda oltin va kumush meddalari jamg'arilgan ekan.
- Jamoa deyarli barchasini noldan boshladi. Hatto shunday vaziyat bo'ldiki, “Bunyodkor” ancha vaqtgacha o'z maydonida uchrashuvlarni o'tkaza olmadi. Mavjud qiyinchiliklardan qanday chiqib ketildi?
- Meni fikrimcha joriy yilni yomon o'tkazmadik. Yuqorida aytganimdek murabbiy faqat futbolni o'ylash kerakligini tushuntirdi. Garchi, tarkibimizda yoshlar ko'p bo'lsada har bir bahsda mazmunli o'yin ko'rsatishga harakat qildik. Muhlislar uchun esda qolarli tomoni bizni ko'rsatgan o'yinimiz bo'ldi.
- Darvozabonlar murabbiyi Abdusattor Rahimov bilan birinchi marotaba ishladingiz. Bu inson haqida avval ham bilarmidingiz?
- Ular haqida bu erga kelgunimga qadar juda ko'p iliq fikrlar eshitgandim. Ko'pni ko'rgan, tajribali mutahassis ekanliklariga amin bo'ldim. Ignatiy Nesterov, Pavel Bugalo, Murod Zuhurov kabi darvozabonlarni shug'ullantirganlar. Faqat ijobiy fikr bildirish mumkin.
- O'zingiz uchun yakuniga etayotgan yilda nimani kashf qildingiz?
- Faoliyatimda birinchi bor sovrinli o'rinlar uchun kurashda qatnashdim. Sobiq jamoam “Neftchi” o'rtamiyona klub sanalardi. Baribir, oldiga yuqorimaqsadlarni qo'ygan klublarda masuliyat va talab boshqacha bo'ladi. Albatta, bosim yuzaga kelishi turgan gap. Muhimi uni engib o'tish.
Abdulaziz Iskandarov suhbatlashdi.
O’xshash yangiliklar
![AMP Logo](https://championat.asia/image/logo-amp.png)
Fikrlar