Abdulrazzoq Hamdallah: “Biz tezkor gol urib, o'yin nazoratini o'z qo'limizga olishga intilamiz”

Mazkur uchrashuv oldidan “Al-Ittihod” jamoasi bosh murabbiyi Marselo Galyardo bilan birgalikda mezbonlarning marokashlik tajribali hujumchisi Abdulrazzoq Hamdallah ham matbuot anjumanida ishtirok etdi.  Quyida uning fikrlarini etiboringizga havola etamiz.

- So'zim avvalida bu erga yig'ilgan barchani Saudiya Arabistoni tashkil topgan kun bilan tabriklayman! Ertangi bahs borasida to'xtaladigan bo'lsam, stadion muxlislar bilan to'ladi, degan umiddaman va ularning qo'llab-quvatlashlari ostida boshqacha o'yin namoyish etib,ijobiy natija qayd etishga harakat qilamiz. 

Raqibimiz “Navbahor” qarshi hujumga tayangan holda, harakat  qiladigan jamoa ekan. Biz ertaga tezkor gol urib, o'yin nazoratini o'z qo'limizga olishga intilamiz.