Barchasi uchun rahmat imperator

Ha, bu nom "Roma" afsonasi Tottiga ishlatilgan. U Rimda haqiqiy imperator edi. Bugun Italiya chempionati va o'zbek futboli yulduzlari o'rtasidagi uchrashuvda barchaning yoqimtoyi Geynrix maydonga tushadi. Jonajon va qadrdon  "Paxtakor" stadionida. Ha, Sasha bugun aynan seni ko'rish uchun uchrashuvga boraman. Totti Rimda, sen esa men uchun Toshkentda, "Paxtakor"da shunday maqomdagi futbolchisan. Sen maydonga tushar ekansan nafaqat menga, maydondagi barchaga ishonch, kayfiyat berarding. Maydon larzaga kelardi. Denisov ikkalangiz haqiqiy o'zbekning mard o'g'lonlarisiz, kerak bo'lsa joningizni ham tashlab ketishga tayyor bo'lgansiz, bunga aminman. Terma jamoa libosidagi so'nggi rasmiy o'yining yodimda. Senga qo'shilib men ham yig'laganman. Mundialga chiqa olmaganimiz uchun emas. Seni mamlakatning bosh jamoasi safida boshqa ko'rmasligim uchun. Toshkentda Suriyaga gol urganingda o'zimdan baxtli inson yo'qdek his qilganman.  

SHunday ekan bunday xayrlashuv uchrashuviga aynan sen munosibsan Sasha. Barchasi uchun rahmat imperator.

Abdulaziz Iskandarov

Muallifning telegram kanali: Intervyular olami