Abbos Maxstaliev: "Terma jamoaning tez-tez yig'in o'tkazishi juda zarur va foydali"

Ushbu yig'inni ikki g'alaba va bir durang bilan yakunlagan terma jamoamiz azosi Abbos Maxstaliev "CA" saytiga o'z fikrlarini bildirib o'tdi.

"Har bir yosh toifasida terma jamoalarning tez-tez yig'in o'tkazib turishi bu juda ham zarur va foydalidir. Misol uchun, biz klublarda bo'lsak faqatgina yaqin safdoshimiz bilan o'yin uslubimizni bir fikrda anglab olishimiz mumkin. Terma jamoa bo'lgandan so'ng barcha klubdan, har xil o'yin uslubiga ega bo'lgan futbolchilar tashrif buyuradi. Har bir futbolchi individual alo natija ko'rsatishi mumkin lekin terma jamoa uchun eng muhimi birlikdir. Oldimizda jiddiy musobaqa turibdi. Osiyo chempionatida jamoamiz sharafini munosib himoya qilmoqchimiz.

Bo'lib o'tgan yig'in borasida gapiradigan bo'lsam ko'ngildagidek o'tdi. Ko'plab futbolchilar bilan birga o'ynaganim uchun menga juda qiyin bo'ldi deya olmayman. Albaniyani oson mag'lub etmadik. Birinchi o'yinda ko'plab xatolar ham bo'ldi. Bahrayn bilan o'yinda esa bizga omad kelmadi. Alisher SHog'ulomov, Quvondiq Ro'zievda yaxshi imkoniyatlar yuzaga keldi. Bahrayn ikkinchi bo'limda asosan vaqtni o'tishi uchun o'ynadi. Bizga nazorat bahsida faqatgina o'yin kerak edi. Natijani esa Osiyo chempionatida ko'rsatmoqchimiz", - deydi Abbos Maxstaliev.