Abbos Amonov: "Bizni durang ham qoniqtirmaydi"

Ananamizga ko'ra, har bir uchrashuv oldidan jamoamiz futbolchilarining o'yinoldi fikrlari haqida Siz aziz muhlislar bilan bo'lishishga harakat qilamiz. Bugun “Navbahor” – “SHo'rtan” uchrashuvi haqidagi fikrlarini bilish uchun Abbos Amonovga yuzlandik.

-  Namanganda bugun, turnir jadvalida yonma-yon turgan jamoalar kurash olib borishadi. SHu sababli, bu o'yin qiziqarli bo'ladi deb o'ylayman. Lekin uchrashuv qiziqarli bo'lishi bilan bir qatorda, juda qiyin ham kechadi. Sababi, “Navbahor” mamlakatimizdagi o'z o'rniga, ananasiga va tarixiga ega jamoalardan biri. SHunday ekan, raqibimizni hurmat qilamiz. Ammo shuni aytib o'tishim ham kerak, bugun bizni xattoki durang natija ham qoniqtirmaydi. CHempionat boshidan o'tkazib kelayotgan muvaffaqiyatsizliklarimizga bugun aynan Namanganda chek qo'yamiz.

-  Habaringiz bor, klubimizda yaqinda yangi raxbarning belgilanishi, jamoadagi keskin ijobiy o'zgarishlarga olib keldi. Jamoadagi barcha tashkiliy va moliyaviy masalalar bizni hozir umuman o'ylantirmayapti. Sababi, biz uchun jamoada barcha shart–sharoitlar yaratilib berilib, kuni kecha, hatto oylik maoshlari borasidagi masalalar ham hal etildi. SHuning uchunmi, jamoadagi ichki muhit, jamoadoshlarimning kayfiyatlari ko'tarinki darajada. O'ylaymanki, tez orada jamoamizning avvalgi mavqeini, obro' va etiborini tiklashga erishamiz. CHunki, bu uchun katta zamin va shart-sharoitlar yaratilmoqda. Biz futbolchilardan esa, qaerda va qaysi jamoaga qarshi o'ynashimizdan qatiy nazar, yaxshi o'yin namoyish etib, alo natijalarni qo'lga kiritish talab etiladi xolos, - deydi Amonov.


“SHo'rtan PFK” matbuot xizmati