A LIGA. "Orient Motors" - chempion!
18 iyu 2021 11:59
Yangiliklar
![](https://championat.asia/upload/storage/649116_original.jpg)
![](/upload/storage/649116_220.jpg)
A LIGA. "Orient Motors" - chempion!
Avtoritet Group kompaniyasida 1000dan ortiq xodimlar faoliyat olib borishadi. Xodimlarning sog'lom turmush tarziga rioya qilishlari uchun rahbariyat futbol bo'yicha maxsus musobaqa tashkil etdi. Musobaqada 16ta jamoa dastlab guruh bosqichida ishtirok etishdi, so'ngra pley-off orqali kuchli to'rt jamoani aniqlashdi.
Finaldan oldin odatga ko'ra uchinchi o'rin uchun bahs o'tkazildi. Unda TDT Gold va HLC Customs Team jamoalari to'qnash kelishdi. Qiziqarli kechgan bahsning asosiy vaqtida 4:4 hisobi qayd etildi. Penaltilar seriyasida TDT Gold jamoasining qo'li baland keldi - 3:2. Takidlash lozimki, uchrashuvning birinchi taymida TDT Gold 0:3 hisobida ortda qolayotgan edi.
Finalda Orient Motors va Full Magistral jamoalari bosh sovrin uchun maydonga tushishdi. Raqibdan anchagina ustunligini namoyish etgan Orient Motors musobaqa chempioni bo'ldi!
Tashkilotchilar 4-o'rinni egallagan HLC Customs Team jamoasi azolarining har biriga changyutgich, 3-o'rin sohibi TDT Gold futbolchilariga mikroto'lqinli pech va 2-o'rin egasi bo'lgan Full Magistral jamoasi azolariga televizor topshirildi. CHempionlikka erishgan Orient Motors jamoasi azolariga esa Dubay shahriga bepul tur sayyohat imkoniyati yaratib berildi.
Bundan tashqari musobaqani tashkil etishda fidoyilik ko'rsatgan xodimlar ham taqdirlandi. Musobaqaning eng yaxshi darvozaboni, eng yaxshi himoyachisi, eng yaxshi futbolchisi va eng yaxshi to'purari aniqlandi hamda ularning har biriga ham Dubayga bepul tur sayyohat yo'llanmasi sovg'a qilindi.
Tashkilotchilar ushbu musobaqani ananaviy tarzda o'tkazish borasida kelishib olishdi.
3-o'rin uchun bahs
TDT Gold - HLC Customs Team 4:4 (penaltilar seriyasi 3:2)
Final
Orient Motors - Full Magistral 8:3
O’xshash yangiliklar
![AMP Logo](https://championat.asia/image/logo-amp.png)
Fikrlar