30+.Bahosi qimmat qariyalar

Matening “Valensiya”dan “Barselona”ga transferi haqida juda ko'plab gaplar aytildi. Ko'pchilik Mate bu pullarga arzimasligini va buqaror noto'g'riligini takidlashdi. Agar tarixga nazar tashlaydigan bo'lsak, Mate bunday gap so'zlarga qolgan birinchi futbolchi emas.

Gabriel  Batistuta (31 yosh)

2000 yilda “Fiorentina”dan “Roma”ga 32 million evaziga ko'chib o'tgan.

“Fiorentina” argentinalik futbolchi uchun 9 yil uy vazifasini bajardi. Aynan shu erda u mashhurlikka erishdi. Futbolchi Italiya klubi safida 332 o'yinda maydonga tushib 207ta gol urishga muvaffaq bo'lgan, ammo jiddiy sovrinlarni yuta olmagan. Ha, u Italiya Kubogi va Italiya Superkuboklari sohibi bo'lgan, ammo Skudetto yoki evrokuboklarni biror marta boshi uzra ko'tarmagan.



SHu sababli Gabriel 2000 yilda “Roma”ga ko'chib o'tadi, bu transfer rimliklar uchun 30 millionga tushdi. U yangi klubdagi ilk mavsumidayoq 25 gol uradi va uzoq kutgan Skudettoni qo'lga kiritadi. 30 million evro o'zini to'la oqladi. Ammo futbolchining faolligi bor yo'g'i 1 mavsumga etdi. Keyingi yillar davomida u o'zining soyasga aylandi va 4 yildan so'ng faoliyatini Qatarda yakunladi.

Samuel Eto’O (30 yosh)

2011 yil, “Inter”dan “Anji”ga 30 million evaziga

Kamerunlik hujumchi “Inter” safida bor yo'g'i ikki mavsum o'ynaydi, ammo klubga juda katta foyda olib keldi.Birinchidan, Eto’O “Inter”da 2010 yil 5ta sovringa ega chiqadi. Ikkinchidan, klub undan katta mablag' ishlab oldi: avvaliga Ibragimovichni “Barselona”ga 46 million va Eto’O evaziga sotgan “Inter”, ikki yildan so'ng “Anji”dan  yana 30 million ishlab oladi.



Eto’O Dog'iston klubida ikki o'rtacha mavsum o'yin o'tkazdi, ammo uning ismi o'z ishini qilardi: “Anji”ni hamma taniy boshladi. Agar Roberto Karlosning so'zlariga ishonsak, jamoaning yulduzli asosini Samuel tashkil qilardi.

Diego Milito (30 yosh)

2009 yil, “Jenoa”dan “Inter”ga 25 million evro
 
Diego Milito “Jenoa”da 2008/09 yilgi mavsumda 34 uchrashuvda 26ta gol uradi va Joze Mourino qiziqishlari doirasiga tushib qoladi. Bu argentinalik futbolchi uchun “Inter” klubi 25 million evrodan kechadi. U birinchi mavsumidayoq barchaning og'zini yopib qo'ydi. Uning CHempionlar Ligasi finalidagi ikki goli, Italiya Kubogidagi g'alaba goli va “Inter”ga milliy chempionatning so'nggi turida chempionlikni sovg'a qilgan gol 25 millionni yuvib ketdi.



Keyingi mavsumlarda Diegoning yoshi o'z so'zini ayta boshladi, ketma-ket jarohatlar, ammo bular ham Milito “Inter” uchun 145 uchrashuv o'tkazib, 71ta gol urishga halal bermadi. SHu yilning iyun oyida 35 yoshli “amaki” o'z vatanida to'p surgani uchib ketdi.

Zlatan Ibragimovich (30 yosh)

2012 yil, “Milan”dan “Pari Sen-Jermen”ga, 21 million evro

2010 yil, avgustning so'nggi kunlari. Zlatan Ibragimovich “Barselona”dan “Milan”ga ko'chib o'tadi. SHved A seriya chempionligini qo'lga kiritadi va Italiyaning eng yaxshi futbolchisi deya tan olinadi va o'zining 30 yoshida “Pari Sen-Jermen”dan yaxshigina taklif oladi.



Ibra kuzda 33 yoshga to'ladi, ammu u hozir ham francuz klubining asosiy futbolchilaridan biri hisoblanadi. U Parij klubida francuz ligasi Kubogini, Franciya Superkubogini va ikki bor milliy chempionatni yutadi. SHu vaqt ichida u eng yaxshi to'purar nomiga ham ega chiqadi. Ibragimovich bu yutuqlari bilan to'xtab qolmoqchi emas va CHempionlar Ligasi g'olibligiga intilmoqda.

Klod Makelele (30 yosh)

2003 yil, “Real”dan “CHelsi”ga, 20 million evro

Franciyalik yarim himoyachi “Real”da Zidan, Figu, Raul va boshqalar bilan elkama-elka uchta ajoyib mavsum o'tkazadi, ammo uning qadriga faqat kech etishdi. Makelele ko'pincha qora ishlar bilan band bo'lgani sababli, maydonda uncha ko'rinmasdi.Aynan u raqiblarni qarshi hujumga qochib ketmasliklarini taminlar edi.



“Real” rahbariyati unga to'g'ri baho bera olmadi va shartnomani uzaytirmadi. O'sha paytda bu ishga Roman Abramovich aralashadi va 30 yoshli futbolchini 20 million evro evaziga sotib oladi. Buning natijasida Makelele Joze Mourinoning etakchi futbolchilaridan biriga aylanadi. Klod londonliklar safida 5 yil to'p tepadi va “CHelsi” uni qiynamasdan, erkin agent sifatida qo'yib yuboradi.


Jasur Aslanov tarjimasi.