2014 yildan beri ikkinchi bor takrorlangan voqea
29 jan 2020 00:02
Yangiliklar
![](https://championat.asia/upload/storage/542234_original.jpg)
![](/upload/storage/542234_220.jpg)
2014 yildan beri ikkinchi bor takrorlangan voqea
OCHL guruh bahslari 32 jamoalik formatga o'tganidan beri (2009 yil) faqat 2014 yilni hisobga olmaganda O'zbekistonda har safar kamida ikkita jamoa guruhda o'ynab kelayotgandi.
Faqat 2014 yilgi mavsumda bizdan faqat bitta klub - "Bunyodkor" OCHL guruh bosqichida ishtirok etgan. OFK o'shanda ham bizga 1+2 kvota ajratgan bo'lib, "Lokomotiv" va "Nasaf" pley-offdan o'ta olmagan.
Mana endi oradan shuncha payt o'tib yana bitta jamoa qatnashadigan bo'ldi. Bu safar "Lokomotiv" bilan "Bunyodkor" pley-offdan o'ta olishmadi, "Paxtakor" esa Superliga chempioni sifatida to'g'ridan-to'g'ri guruhga yo'l olgan.
SHuni aytib o'tish lozim, 2002/2003 yilgi OCHLning birinchi mavsumida guruh o'yinlarida 16ta jamoa qatnashgan. 2004 - 2008 yillar oralig'ida 16ta jamoalik format o'tkazilgan. Faqat 2009 yildan beri 32ta klub qatnashib kelyapti.
Quyida fakt sifatida OCHL yo'lga qo'yilganidan beri guruh bosqichida O'zbekistondan kimlar qatnashganini keltirib o'tamiz.
2002/2003. "Paxtakor"
2004. "Paxtakor", "Neftchi".
2005. "Neftchi", "Paxtakor".
2006. "Paxtakor", "Mashal".
2007. "Paxtakor", "Neftchi".
2008. "Bunyodkor", "Paxtakor".
2009. "Paxtakor", "Bunyodkor".
2010. "Bunyodkor", "Paxtakor".
2011. "Paxtakor", "Bunyodkor".
2012. "Nasaf", "Paxtakor", "Bunyodkor".
2013. "Paxtakor", "Bunyodkor".
2014. "Bunyodkor".
2015. "Paxtakor", "Lokomotiv", "Nasaf", "Bunyodkor".
2016. "Paxtakor", "Nasaf", "Lokomotiv", "Bunyodkor".
2017. "Lokomotiv", "Bunyodkor".
2018. "Lokomotiv", "Nasaf".
2019. "Lokomotiv", "Paxtakor".
2020. "Paxtakor".
Xursand bo'lishga arziydigan ko'rsatkich: 2015, 2016 yillari O'zbekistondan 4ta klub OCHL guruh o'yinlarida ishtirok etgan.
O’xshash yangiliklar
![AMP Logo](https://championat.asia/image/logo-amp.png)
Fikrlar